Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/modules/show.full.php on line 343 DataLife Engine > Версия для печати > Ҳузури 24 зан ва 27 духтари ноболиғ аз Суғд дар ҷангҳои Сурия
Главная > Тоҷикистон, Иҷтимоӣ > Ҳузури 24 зан ва 27 духтари ноболиғ аз Суғд дар ҷангҳои Сурия

Ҳузури 24 зан ва 27 духтари ноболиғ аз Суғд дар ҷангҳои Сурия


29 январ 2016, 12:27. Разместил: hd
Шариф Назарзода, сардори Раёсати умури дохилии Суғд мегӯяд, феълан 271 сокини ин вилоят барои шомилшавӣ ба ҳизбу ҳаракат ва равияҳои динӣ-экстремистӣ дар кофтукоби расмӣ қарор доранд.

Назарзода зимни нишасти хабарӣ дар шаҳри Хуҷанд гуфт, барои иштирок дар муқовиматҳои мусаллаҳонаи давлати Сурия алайҳи 192 сокини вилоят бо моддаи 401, иловаи 1-и КҶ ҶТ парвандаҳои ҷиноӣ оғоз ва 10 парвандаи ҷиноӣ бо хулосаи айбдорӣ ба суд ирсол шуданд: “Алайҳи 134 нафар парвандаҳои кофтукобӣ оғоз гардиданд. Илова бар ин, 103 нафар дар кофтукоби фаврӣ қарор доранд”.

Ҷаноби Назарзода инчунин изҳор дошт, ки дар умум тибқи маълумоти фаврӣ, 285 сокини вилоят, аз ҷумла бо ҳамроҳии 24 ҳамсару 43 фарзанди ноболиғи худ – 16 писар ва 27 духтар, дар муқовиматҳои мусаллаҳонаи давлати Сурия ширкат дошта, 36 тани онҳо ба ҳалокат расидаанд.

Сардори Раёсати умури дохилии вилоят дар идома қайд кард, ки зимни гузаронидани корҳои тарғиботӣ 7 нафар аз сокинони вилоят, аз ҷумла Хуҷанд, Чкалов, Исфара – 2-нафарӣ ва Спитамен – 1 нафар, бо ҳамроҳии 2 ҳамсару 3 фарзанди ноболиғашон бо хоҳиши худ аз давлати Сурия баргаштаанд.

Вернуться назад