Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/modules/show.full.php on line 343 DataLife Engine > Версия для печати > Аз фарҳанги номҳои тоҷикӣ то назорати номҳои русӣ ва Путину Шойгу Ҷӯразодаҳо
Главная > Тоҷикистон, Фарҳангу адаб, Тема дня > Аз фарҳанги номҳои тоҷикӣ то назорати номҳои русӣ ва Путину Шойгу Ҷӯразодаҳо

Аз фарҳанги номҳои тоҷикӣ то назорати номҳои русӣ ва Путину Шойгу Ҷӯразодаҳо


31 январ 2017, 10:14. Разместил: MG
Кумитаи забон ва истилоҳоти Тоҷикистон мегӯяд, Фарҳанги дуҷилдаи номҳои миллии тоҷикӣ дар арафаи нашр аст.

Масъулини ин кумита дар нишасти хабарии 30 январ гуфтанд, ин фарҳанг аз номҳои писарона ва духтарона тартиб ёфта, бо мақсади навиштани дурусти номҳои миллӣ дар ҳуҷҷатгузориҳо тарзи дурусти онҳо бо забонҳои тоҷикӣ, русӣ ва англисӣ нишон дода шудааст. “Ҳадаф аз таҳияи Феҳристи номҳои миллии тоҷикӣ эҳёи арзишҳои маънавӣ ва сарватҳои бебаҳои таъриху фарҳанги миллӣ тавассути забони миллӣ, инчунин номгузории суннатии тоҷикӣ мебошад”,-таъкид шуд дар нишаст.

Ин ҳам дар ҳолест, ки Шойгу ном кардани як кӯдаки тоҷик дар Русия ҳоло яке аз мавзӯъҳои доғи шабакаҳои иҷтимоӣ шудааст. Раҳмон Ҷӯраеви 70-сола, ки бо Путин ном кардани як наберааш расонаӣ шуда буд, ахиран набераи дигарашро Шойгу ном кардааст. Ба навиштаи расонаҳо, ҳарчанд фарзандон сухани вайро нашикаста, кӯдакони худро дар санадҳои расмӣ Путин ва Шойгу ном карданд, вале дар хона ҳардуро то ҳол Расул ва Умар ном мебаранд.

Раҳмон Ҷӯраев 20 сол аст, ки дар Русия зиндагӣ мекунад ва шаҳрвандии он кишварро дорад. Замоне ки набераашро Путин ном гузошт дар суҳбат ба расонаҳо гуфта буд, ба раисҷумҳури Русия эҳтироми зиёде қоил аст.

Дар ҳамин ҳол, расонаҳои русӣ мегӯянд, то моҳи марти соли равон вакилони Думаи давлатии Русия тарҳи қонунеро баррасӣ мекунанд, ки номгузориро маҳдуд мекунад. Бар асоси ин тарҳ ба кӯдакон гузоштани номҳои рақам, вазифа, калимаҳои кутоҳкардашудаву вожаҳои дорои таҳқир манъ карда мешавад.


Дар акс Раҳмон Ҷӯраев

Вернуться назад