Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/modules/show.full.php on line 343 DataLife Engine > Версия для печати > Раиси “Амонатбонк”: Амволи Толиб Айёмбеков ба фурӯш гузошта шудааст (ВИДЕО)
Главная > Тоҷикистон, Иқтисодӣ, Рӯ ба рӯ, Дидгоҳи хос, Видео, Тема дня > Раиси “Амонатбонк”: Амволи Толиб Айёмбеков ба фурӯш гузошта шудааст (ВИДЕО)

Раиси “Амонатбонк”: Амволи Толиб Айёмбеков ба фурӯш гузошта шудааст (ВИДЕО)


18 июл 2017, 10:05. Разместил: MG
Раиси бонки давлатии амонатгузории Тоҷикистон – “Амонатбонк” мегӯяд, амволи ба гаравгузоштаи Толиб Айёмбеков, собиқ фармондеҳи мухолифин дар Бадахшон ба фурӯш гузошта шудааст. Руҳулло Ҳакимзода имрӯз, 18 июл дар ҳузури хабарнигорон бо зикри ин нукта афзуд, аммо бо далели буҳрони молӣ ин амвол харидор пайдо накардаанд: “Амволи ба гаравгузошта ҷавобгӯи талабот аст, вале бо сабаби мушкили иқтисодӣ харидор надоранд”.

Ин дар ҳолест ки моҳи июли соли сипаришуда ҷаноби Ҳакимзода гуфта буд, Толиб Айёмбеков қарзашро, ки 455 ҳазор сомониро ташкил медод, ба ин бонки давлатӣ пурра баргардонда, танҳо фоизҳоро пардохт накардааст. Ӯ ҳаҷми фоизи қарзҳои Айёмбековро то моҳи июли соли 2016, 329 ҳазору 310 сомонӣ арзёбӣ карда, таъкид намуда буд, моҳҳои охир натавонистааст фоизҳоро пардохт кунад: “Агар маблағҳоро пардохт кардан натавонад, амволи багаравмондаашро ба фурӯш мегузорем ва қарзгир низ бо ин сад дар сад розист”.



Дар акс Толиб Айёмбеков

Вернуться назад