ЧТ ба ҷои ҶТ? JUMKHURI тарҷумаи ҷумҳурӣ? VKD, яъне ВКД?
Ҳуҷҷати ронандагии биометриро, ки мақомоти Раёсати бозрасии давлатии автомобилии Тоҷикистон рӯзи 4 март муаррифӣ карданд, пур аз иштибоҳ дарёфтам.
Масъулон гуфтанд, ин ҳуҷҷат ба ду забон – тоҷикӣ ва англисӣ – чоп шуда, дар чандин кишвари дунё, аз ҷумла Амрикову Аврупо ба кор меояд. Вале дар ҳуҷҷат аслан калимаҳои тоҷикиро ба хатти кириллӣ ва лотинӣ навиштаанду бас.
Бори аввал дидам, ки ҷумҳурӣ “ҷумхурӣ” шуда, ба англисӣ “JUMKHURI” тарҷума мегардидааст. Айнан, ҳамин тавр, ВКД-ро “VKD” навиштаанд. Магар дар Амрикову Аврупо хоҳанд фаҳмид, ки ин ҳуҷҷатро Вазорати умури дохилии Тоҷикистон додааст? Ё хуб мефаҳманд, ки “JUMKHURI” ҳамон республика аст?Дар ҳамин ҳуҷҷати ронандагӣ Ҷумҳурии Тоҷикистонро дар шакли кӯтоҳи “ЧТ” навишта, варианти лотинии онро “CHT” гуфтаанд. Ба ин тартиб, шаҳри Душанбе ҳам “Sh.Dushanbe” навишта шудааст.
Дар сатри аз ҳама боло дар миёни калима ҳарфи “Ҳ-ро ҳам калон навиштаанд. Дизайнерон хостанд, мақоми ҳарфи тоҷикии “Ҳ”-ро болотар нишон диҳанд? Эврика! Инҳо дар ҳақиқат хостаанд ба ҳуҷҷатгузории давлатӣ “ягон майда” ҳарфи ғайрро ҳамроҳ накунанд, балки бештар аз ин – забонамонро дар ҷаҳон паҳн намоянд. Шояд ҳам, аз баҳсҳо сари бартарияти алифбои ниёгон ё кириллӣ безор шуданду ба алифбои лотинӣ гузаштаанд?!
Ҳама кӯшишҳое, ки давлатдорону Кумитаи забон ва истилоҳот барои покии забони тоҷикӣ мекунанд, ҳаргиз бор нахоҳад овард. То замоне ки низом кор намекунаду кормандони давлатӣ забони расмиро намедонанд, ин кишвар соҳибзабон нахоҳад буд.
Вақтҳои охир атрофи тарҷумаҳои аҷибу ғариби саросари дунё, аз он ҷумла Сочӣ, дар интернет зиёд мегӯянд. Аммо онҳо мисоли тарҷумаҳои сарикӯчагиянд. Тарҷумаи ҳуҷҷати расмии худи мо - тоҷикон чӣ?
Ҳуҷҷати ронандагӣ коғазе нест, ки дар қади кӯча чоп куниву агар хатое шуд, дубора фармоиш диҳӣ. Зоҳиран барои ин “права”-и биометрӣ пули калоне харҷ шудаву мардум ҳам бо пардохти 165 сомонӣ барои ин ҳуҷҷат ва 140 сомонӣ барои муоинаи техникӣ ин санадро дарёфт хоҳанд кард?
Чӣ фикр мекунед? Онҳое, ки то кунун чунин ҳуҷҷати ронандагиро гирифтаанд, дубора иваз хоҳанд кард? Оё мақомот барои ин хатои худ пӯзиш хоҳанд хост? Ё масъулони Бозрасии давлатии автомобилӣ ҳуҷҷати роннадагии биометриро аз рӯи “права”-ҳои Русия, ки ҳамин шаклро дорад, нусхабардорӣ кардаанд? Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
