21 апр 2016 05:40Тоҷикистон / Сиёсат / Рӯ ба рӯ / Муҳоҷир / Тема дня

Сафорат: Эҳтимол шаҳрванди Тоҷикистонро қабл аз зинда гӯрондан, корд задаанд

Сафорати Тоҷикистон дар Русия мегӯяд, бино ба иттилои дарёфтӣ муҳоҷири 22-солаеро, ки шаби зодрӯзаш дар Волгоград кушта шуд, қабл аз гӯрондан, корд задаанд.

Сарвар Бахтӣ, сухангӯи ин ниҳод ба “Озодагон” гуфт, қарор аст, имрӯз, 21 апрел ба манзури муайян кардани сабабҳои аслии фавти ин ҷавони тоҷик ташхиси судӣ анҷом шавад: “Ташхис муайян мекунад, ки Усмоналӣ аз зарби корд ба ҳалокат расидааст ё баъди зинда зери хок кардан”.

Қаблан, ин масъули сафорат хабар дода буд, ки шахсияти ин муҳоҷири тоҷик муайян шудааст: “Ӯ Файзалиев Усмоналӣ Гулмуродович сокини шаҳри Ваҳдат будааст”.

Ба иттилои манбаъ, кормандони сафорат ва Намояндагии Вазорати меҳнат, муҳоҷират ва шуғли аҳолии Тоҷикистон дар Русия бо муфаттишони қазия мулоқот намуданд.

Хабари зинда зери хок кардани як ҷавони тоҷик 19 апрел расонаӣ шуд. Ҳарчанд гуфта мешавад, ин ҳодиса 7 рӯз қабл рӯх додааст. Расонаҳои русӣ, рӯзи сешанбе аз қавли Наталия Кунитская, ёрдамчии калони раҳбари Раёсати тафтишоти Кумитаи тафтишотии Русия дар Волгоград навиштанд, дар маврид содир шудани ҷинояти куштор як сокини маҳаллӣ ба мақомот хабар додааст. Ба иттилои ӯ, 12 апрел ҳамроҳи дӯсташ ба манзиле рафт, ки онҷо шаҳрванди Тоҷикистон 22-солагии мавлудашро ҷашн мегирифт. Манбаъ гуфтааст, ки ҷашн то субҳ идома кард ва наздикии субҳ вайро хоб бурдааст: “Вақте субҳ бедор мешавад, мефаҳмад, ки байни соҳибхона ва соҳибҷашн нофаҳмӣ шудааст. Соҳибхона бо ёрии ҳамсояаш шаҳрванди хориҷиро ба таҳхонаи сарой бурда, маҷбур кардаанд, ки ҷуқурӣ биканад. Баъдан, ӯро ба он ҷуқурӣ тела намуда, зинда гӯрондаанд”.

Наталия Кунитская гуфтааст, гуруҳи тафтишотӣ-оперативӣ аз ҷуқурии кандашудаи таҳхона ҷасадро пайдо накардааст: “Тафтишот бар ин аст, ки ҷасади марди кушташударо аз ин ҷо гирифта, ба ҷуқурие, ки дар пушти бино мавҷуд аст, зери хок кардаанд”.

Ёрдамчии калони раҳбари Раёсати тафтишоти Кумитаи тафтишотии Русия дар Волгоград мегӯяд, дар робита ба ин қазия парвандаи ҷиноӣ боз шуда, тафтишот идома дорад.

Мӯҳр

Хабарҳои монанд:

Амир

Ин кавказихо ё ин русхо ки буданд? Кавказихо агар номус медоштанд давлат медоштанд на ин ки аз хисоби русхо кайфу сафо мекарданд. Ин мо миллати ба ору бо номусем ки миллату ватан дорем, баъдан айб аз худи мо хаст:
1. Мо байни худ дуст нестем мо якдигарро дар гариби фиреб мекунему кидат мекунем...
2. Аксарияти мардуми мо забони ин ё он давлатро намедонанд аз он чумла забони русиро....
3. Пеш аз онеки як давлати дигар мерави бояд хукуку санадхои меъёрии хамон давлатро бояд донист, хамчунин хукуки буду бош дар он кишвар
4. Мо бояд аз худ гиламанд шавем на аз ягон нафари дигар.

Ҷавоб диҳед Иқтибос Шикоят

Sibles

Я Таджик по национальности но родился и рос в Казахстане более 20 лет работаю в россии также работал с Таджиками их мучають проверяют без конца сотрудники МВД фмс и мягко говоря издеваться именно над гражданами Таджикистана.проезжают к нам полиция для проверки у всех документы в порядке в том числе и таджики у всех просят извинения а таджиков забирают почему?выйисняется их оштрафовали за то что они не проживают по месту жительства без никаких доказательств. Они прекрасно знают что таджикские властям наплевать на своих граждан и им ничего за это не будет.Я сделал вывод Слава Аллаху что Я Таджик,Алхамдулиллах что я не гражданин Таджикистана А Казахстана.

Ҷавоб диҳед Иқтибос Шикоят

Эзоҳ илова кунед