Аз 2294 ҷои кори холӣ ҳамагӣ 37 нафар кор ёфтанд

33 корхонаву муассисаҳои шаҳри Душанбе барои корҷӯён ярмарка оростанд.

---

Зимнан, сӯбҳи имрӯз дар саҳни бинои «Сирки давлатии Тоҷикистон» бештар аз 310 нафар барои пайдо кардани ҷои кор ҷамъ омаданд. Аз ин теъдод танҳо 37 нафар барои кор роҳхат гирифтаанду халос.
Аз сараёсати агентии давлатии ҳифзи иҷтимоӣ, шуғли аҳолӣ ва муҳоҷирати пойтахт ба “Озодагон” гуфтанд, дар ярмаркаи ҷойҳои кори холӣ ва вазифаҳои озод корхонаву муассисаҳои фаъолиятдоштаи чор ноҳияи шаҳри Душанбе 2294 ҷои холии кор пешниҳод кардаанд. Ба иттилои манбаъ дар ярмарка 37 нафар барои кор роҳхат гирифта, 4 тани дигар ба омӯзиши касбҳо тавсия шуданд. {jathumbnail off}