Дар муассисаҳои давлатии хона-интернатҳо ва истироҳатгоҳҳои кишвар омодагӣ ба таҷлили сазовори иди истиқлол идома дорад.
Тавре ба “Озодагон” аз шӯъбаи робитаҳои байналмилалӣ ва ҷамъиятии агентии давлатии ҳифзи иҷтимоӣ, шуғли аҳолӣ ва муҳоҷирати вазорати меҳнат хабар доданд, феълан дар муассисаҳои мазкур 1522 нафар бошандагон зиндагӣ мекунанд, ки дар қиёс бо соли гузашта 17 нафар зиёд аст. Аз ин шумора 902 нафар мардон ва 620 нафар занҳо мебошанд. Аз ҷумла, 180 нафар маъюбони гурӯҳи якум, 559 нафар маъюбони гурӯҳи дуюм, 127 нафар маъюбони гурӯҳи сеюм (асосан хонандагони литсей-интернат), 558 нафар маъюбон аз кӯдакӣ, 163 нафар маъюбони бистарӣ ва боқӣ нафақахӯрон мебошанд.
Манбаъ ҳамчунин афзуд, муассисаи давлатии “Маркази миллии тавонбахшӣ барои кӯдакон ва наврасони “Чорбоғ” ба 20 нафар кӯдакони маъюб дар як баст ба мӯҳлати 21 рӯз табобату тавонбахшӣ расонида, ба модаронашон омӯзиш ва маслиҳат дода мешавад.