баргард
чоп кардан
"Курбан Байрам"-и Билайн дар рӯзи Иди забон, баъди "Любой ҷо"
Бархе муштариёни ширкати мобилии Билайн мегӯянд, ширкат бо ирсоли СМС-паёме онҳоро бо "Курбан Байрам" табрик кардааст.
Ба гуфтаи онҳо, ин паём бо забони русӣ навишта шуда, бар хилофи СМС-ҳои қаблии ширкат муодили тоҷикӣ надорад. "Вақте Билайн ягон тарофа ё хизматрасонияшро таблиғ мекунад, онро бо ду забон - русӣ ва тоҷикӣ мефиристад, аммо табрикоти Иди Қурбонро танҳо бо русӣ ирсол кард", - мегӯяд Умед, яке аз ин муштариён. Ӯ афзуд, аламовараш он аст, ки паёми русии Билайн дар Рӯзи забони тоҷикӣ фиристода шуд ва бо истифода аз ибораи туркӣ: "Ширкат моро бо Курбан Байрам табрик кардааст. Ибораи "Курбан Байрам", ки дар забонҳои туркасос маънии Иди Қурбонро дорад, дар тоҷикӣ умуман роиҷ несту касе ҳам онро истифода намекунад". Ба қавли Умед, ӯ муштарии як ширкати дигари мобилӣ ҳам ҳаст, ки дар табрикоти русӣ низ "Иди Курбон" навиштааст.
Ин дар ҳолест, ки ахиран Кумитаи забон ва истилоҳоти Тоҷикистон аз истифодаи ибораи "Любой ҷо" аз сӯи ширкати мобилии Билайн шикоят карда, онро хилофи қонун "Дар бораи забони давлатӣ" номид. Масъулини кумита гуфтанд, ин ширкат ба ҷои номҳои тавсиядодааш - “Ҳама ҷо” ва “Самти дилхоҳ” тарифашро “Любой ҷо” номгузорӣ кардааст, ки муғойири меъёрҳои забони адабӣ мебошад. Аммо Мария Веторази, масъули робита бо ҷомеаи Билайн дар шарҳи “Любой ҷо” номгузорӣ шудани тариф ба “Озодагон” гуфт, он соддаю фаҳмо буда, дар омма васеъ истифода мешавад ва инчунин аз омилҳои шӯхӣ бархӯрдор аст: “Ин ном ба таври пурра моҳияти тарифи навамонро инъикос мекунад, ки дар он тамосҳо ба ҳамаи операторони мобилӣ нархи дастрас доранд. Баъдан ин номи сода, хотирмон ва дорои омилҳои ҳаҷв мебошад. Иттилооти таблиғотии тарифи “Любой ҷо” низ дар доираи қонунгузории Тоҷикистон мебошад, чун ба забони тоҷикӣ баён шудааст. Инчунин дар маводи таблиғотӣ маънои “Любой ҷо” шарҳ дода шудааст.”
Баъдан, ширкат навиштаҷоти "Любой ҷо"-ро дар таблуҳояш пок намуд ва пасон ин таблуҳоро аз кӯчаҳо барчид.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Ба гуфтаи онҳо, ин паём бо забони русӣ навишта шуда, бар хилофи СМС-ҳои қаблии ширкат муодили тоҷикӣ надорад. "Вақте Билайн ягон тарофа ё хизматрасонияшро таблиғ мекунад, онро бо ду забон - русӣ ва тоҷикӣ мефиристад, аммо табрикоти Иди Қурбонро танҳо бо русӣ ирсол кард", - мегӯяд Умед, яке аз ин муштариён. Ӯ афзуд, аламовараш он аст, ки паёми русии Билайн дар Рӯзи забони тоҷикӣ фиристода шуд ва бо истифода аз ибораи туркӣ: "Ширкат моро бо Курбан Байрам табрик кардааст. Ибораи "Курбан Байрам", ки дар забонҳои туркасос маънии Иди Қурбонро дорад, дар тоҷикӣ умуман роиҷ несту касе ҳам онро истифода намекунад". Ба қавли Умед, ӯ муштарии як ширкати дигари мобилӣ ҳам ҳаст, ки дар табрикоти русӣ низ "Иди Курбон" навиштааст.
Ин дар ҳолест, ки ахиран Кумитаи забон ва истилоҳоти Тоҷикистон аз истифодаи ибораи "Любой ҷо" аз сӯи ширкати мобилии Билайн шикоят карда, онро хилофи қонун "Дар бораи забони давлатӣ" номид. Масъулини кумита гуфтанд, ин ширкат ба ҷои номҳои тавсиядодааш - “Ҳама ҷо” ва “Самти дилхоҳ” тарифашро “Любой ҷо” номгузорӣ кардааст, ки муғойири меъёрҳои забони адабӣ мебошад. Аммо Мария Веторази, масъули робита бо ҷомеаи Билайн дар шарҳи “Любой ҷо” номгузорӣ шудани тариф ба “Озодагон” гуфт, он соддаю фаҳмо буда, дар омма васеъ истифода мешавад ва инчунин аз омилҳои шӯхӣ бархӯрдор аст: “Ин ном ба таври пурра моҳияти тарифи навамонро инъикос мекунад, ки дар он тамосҳо ба ҳамаи операторони мобилӣ нархи дастрас доранд. Баъдан ин номи сода, хотирмон ва дорои омилҳои ҳаҷв мебошад. Иттилооти таблиғотии тарифи “Любой ҷо” низ дар доираи қонунгузории Тоҷикистон мебошад, чун ба забони тоҷикӣ баён шудааст. Инчунин дар маводи таблиғотӣ маънои “Любой ҷо” шарҳ дода шудааст.”
Баъдан, ширкат навиштаҷоти "Любой ҷо"-ро дар таблуҳояш пок намуд ва пасон ин таблуҳоро аз кӯчаҳо барчид.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)