Муаррифии стратегияи ҳамкории минтақавӣ оид ба рушд
Оҷонсии ИМА оид ба рушди байналмилалӣ ё USAID ва сафорати Амрико дар Тоҷикистон имрӯз, 12 феврал зимни як нишаст стратегияи ҳамкории минтақавӣ оид ба рушд барои солҳои 2015-2019-ро муаррифӣ карданд.
Дар ин нишаст сафири Амрико дар Тоҷикистон Сюзан М. Эллиотт ва раҳбари USAID дар Осиёи Марказӣ Ҷонсон Адделтон ширкат доштанд. Раҳбари USAID таъкид кард, барои ин стратегияи нави 5 сола 30 миллион доллар ҷудо шудааст, ки дар соҳаҳои энергетика, ҳамкориҳо дар масоили об, хоҷагии қишлоқ, рушди иқтисодӣ ва савдо равона шудааст. Ба таъкиди Ҷонсон Адделтон дар доираи ин стратегия аз миёни кишварҳои Осиёи Миёна маблағи бештар барои Тоҷикистон ихтисос шудааст.