Қароргоҳи як ташкилоти хориҷӣ дар Душанберо ғорат карданд

Як утоқи кории созмони башардӯстонаи байналхалқии «Даниги Миссияи Шарқ» мавриди ғорати дуздон қарор гирифтааст.

---

Тавре ба «Озодагон» аз ВКД хабар доданд, дар ин бора аризаи шаҳрванд  Насибови 36- сола, сокини кӯчаи  Фирдавсӣ ворид гардид. Ба гуфтаи ӯ,    шахси  номаълум бо роҳи интихоби калид вориди утоқи кориашон, воқеъ дар кӯчаи  Рӯдакӣ, хонаи  30, ҳуҷраи  25 шуда, пинҳонӣ аз он ҷо 2-адад компютери тамғаҳои «НР» ва «Тошиба», 1-адад телефони мобилии тамғаи «Нокиа-3720» ҷамъ ба маблағи 7.000 сомониро дуздида, аз ҷойи ҳодиса ғайб задааст.

Манбаъ афзуд, зимни гузаронидани ҷораҳои фаврӣ- ҷустуҷӯӣ шаҳрванд Баҳромиддин Шодиеви 28- сола, сокини кӯчаи  И. Сомонӣ, хонаи111/3, ҳуҷраи 107 дастгир карда шуд. Гуфтанист, ба ҷуз ин боздоштшуда, рӯзи 3-уми октябри соли равон ба хонаи истиқоматии   Муқимова, сокини кӯчаи Мичурин, хонаи  5, ҳуҷраи  15 даромада, аз он ҷо 1-ҷуфт гӯшвори тиллоӣ арзишаш 500 доллари ИМА ва 1-адад телефони мобилии тамғаи «Нокиа-6230», ки арзишаш 500 доллари ИМА-ро ташкил медиҳад, дуздида аз ҷойи ҳодиса ғайб задааст.  Ба иттилои манбаъ, дастгиршуда қаблан доғи судӣ дошта, бо моддаи 244, кодеси ҷиноии ҷумҳурии Тоҷикистон аз озодӣ маҳрум гардидааст.{jathumbnail off}