Шоири тоҷик барандаи нишони тиллоии Абулқосиим Фирдавсӣ гардид

Муассисаи фарҳангии ЭКО нишони тиллоии Фирдавсиро ба Аъзам Хуҷаста, шоир ва таҳлилгари масоили сиёсӣ тақдим намуд.

---

Ин нишон ҳамроҳ бо акси Ҳаким Абулқосими Фирдавсӣ барои шахсиятҳо ва чеҳраҳои фарҳангии минтақа,ки дар тарвиҷи фарҳангу адаб ва халлоқиятҳои тоза саҳме доштаанд, эҳдо мешавад.

Гуфтанист, Аъзам Хуҷаста,то кунун 3 маҷмӯаи шеърӣ бо номҳои “Чашмаи шоир”,”Соярӯшан” ва “Чашмаи зулол”-ро дар Тоҷикистон ва Эрон мунташир намуда, имрӯз яке аз шоирони матраҳ дар ҳалқаҳои форсигӯи минтақа маҳсуб мегардад.

Қарор аст, муассисаи фарҳангии ЭКО маҷмӯаи баъдии ин шоири навоварро ҳимояти молӣ намояд.{jathumbnail off}