Тавре Муродалӣ Тешаев, сухангӯи кумитаи миллии олимпӣ ба «Озодагон» иттилоъ дод, мақсад аз баргузории ин барнома саҳмгузорӣ дар ташаккули тарзи ҳаёти солим миёни наврасон ва ҷавонон аз ҷумла, мубориза бар зидди нашъамандӣ ба воситаи пешниҳод намудани фаъолияти алтернативӣ, бо баргузории чорабиниҳои варзишӣ иборат аст. Гуфта мешавад, ки давомнокии барнома 6 моҳ буда намояндагони тамоми гӯшаву канори мамлакатро дар бар мегирад. Ба ин хотир, имрӯз дар кумитаи миллии олимпӣ ҷамомад доир гардид. Манбаъ афзуд, ки роҳбари барнома Ибод Шарифӣ бори дигар вазифаҳои асосии барномаро ба иштирокчиён шарҳу тавзеҳ дод.