Бино ба қавли манбаъ, мавқеи дастаҳо дар ҷадвали мусобиқот тағйир наёфтааст. Тими “Равшан”-и Кӯлоб бо 86 имтиёз аз 37 бозӣ дар ҷои аввал аст. Дастаи “Регар-ТадАЗ”-и Турсунзода бо 77 имтиёз аз 33 бозӣ дар мақоми дуюм қарор дорад. Тими “Истиқлол”-и Душанбе, ки ҳамагӣ 28 бозӣ кардааст, бо 72 имтиёз дар зинаи сеюми ҷадвали мусобиқот аст. Нишонзанҳои беҳтарин: Фозил Сатторов аз тими (“Равшан”) бо 20 тӯб дар ҷои аввал, Комил Саидов аз дастаи (ССКА “Помир”) ва Габриэл Донто (“Энергетик”) бо 19 голӣ зинаи дуюмро касб кардаанд. Юсуф Рабиев аз дастаи (“Истиқлол”) бо 18 тӯб дар мақоми сеюм қарор дорад.
Манбаъ афзуд, имрӯз бозии дигари даври 43-юми сабқати лигаи олии футболи Тоҷикистон миёни дастаҳои “Хуҷанд”-и Хуҷанд - ССКА “Помир”-и Душанбе ва бозии мавқуфмондаи мусобиқот байни байни дастаҳои “Гвардия”-и Душанбе ва “Вахш”-и Қӯрғонтеппа баргузор хоҳад шуд. Бозиҳои даври охирин – 44-ум рӯзи 29-уми ноябр баргузор мешавад: Дар ин давр дастаҳои “Парвоз” - ССКА “Помир”, “Энергетик” - “Истиқлол”, “Вахш” - “Равшан” миёни ҳам рақобат хоҳанд кард. Ба иттилои Федератсияи футболи Тоҷикистон рӯзҳои баргузории бозиҳои мавқуфмондаи мусобиқот пас аз машварат бо дастаҳо муайян карда хоҳад шуд.