Тибқи иттилои хадамоти матбуотии райисҷумҳур, зимни ин сафар сарвари Тоҷикистон бо канслери Олмон Ангела Меркел ва Кристиан Вулф мулоқот хоҳад кард.
Ҳамзамон, Эмомалӣ Раҳмон дар мулоқот бо тоҷирону соҳибкорони Олмон аз онҳо даъват хоҳад кард, дар Тоҷикистон сармоягузорӣ кунанд. Қарор аст, дар ҷараёни сафар чанд санади ҳамкорӣ низ имзо шавад. Олмон аз соли 2002 то кунун дар ҳаҷми бештар аз 120 миллион евро дар Тоҷикистон сармоягузорӣ кардааст ва аз ҷумла як агрегати асосии нерӯгоҳи барқи обии Норак бо 25 миллион евро сармояи як бонки олмонӣ тармим мешавад.