Зимнан, Рустам Назаров қайд кард, ки ба он нигоҳ накарда, ки Тоҷикистон бо Афғонистон беш аз 1300 километр марзи муштарак дорад, ҳукумати кишвар дар кори мубориза бо муомилоти ғайриқонунии маводи нашъаовар кӯшишҳои зиёде ба харҷ медиҳад. Ҳама навъҳои мухаддироте, ки мусодира карда мешаванд (ҳероин, афюн ва каннабис), дар қаламрави Афғонистон истеҳсол мегарданд ва қисмати бештари он аз тариқи дарёи марзии Панҷ ворид мешавад. Дэвид Костеланчик ба фаъолияти мақомоти ҳифзи ҳуқуқи Тоҷикистон дар кори мубориза бо муомилоти ғайриқонунии маводи мухаддир баҳои баланд дод ва қайд кард, ки ҳукумати ИМА дар оянда низ дар татбиқи лоиҳаҳо ва барномаҳои зиддимухаддиротӣ кӯмак хоҳад кард.