Сабаби сӯхтори бозори марказии ноҳияи Панҷ эълон шуд
Вазорати умури дохилии Тоҷикистон сабаби сӯхтор дар бозори марказии ноҳияи Панҷи вилояти Хатлонро эълон кард.
Сӯхтор дар ин бозор субҳи 5 сентябр ба вуқӯъ пайваст ва беш аз 30 дӯкони тоҷирон ба коми оташ рафт. Умарҷони Эмомалӣ, сухангӯи Вазорати умури дохилии Тоҷикистон имрӯз, 6 сентябр дар суҳбат ба “Озодагон” гуфт, сӯхтор дар пайи расиши кӯтоҳи ноқилҳои барқ сар зада, масоҳати 240 метри мураббаъро фаро гирифтааст. Ӯ ҳаҷми хисорот дар бозори марказии ноҳияи Панҷро 89 ҳазор сомонӣ гуфт.
Сӯхтор дар бозорҳои Тоҷикистон ҳодисаи нодир нест. Бори охир шоми 2 июл бозори Корвони пойтахт оташ гирифта буд.
ҲОДИСАҲОИ ПУРСАРУСАДОИ СӮХТОРИ БОЗОРҲОРО ДАР ИН АКСИ ГӮЁ БУБИНЕД