Домод дар оташ задани хонаи падарарӯс муттаҳам мешавад
Маъмурини милиса сокини 36-солаи шаҳри Душанберо боздошт кардаанд, ки дар оташ задани хонаи падарарӯсаш муттаҳам мешавад.
Тибқи иттилои ВКД ба идораи милиса дар Ваҳдат ҷабрдида- марди 56-сола, сокини деҳаи Адолати ҳамин шаҳр муроҷиат намуда, арз доштааст, ки “30-юми сентябри соли 2017, домодаш, марди 36-солаи сокини шаҳри Душанбе ба манзили истиқоматиаш омада, ба воситаи сӯзишвории “бензин” хонаи истиқоматиашро оташ зада, аз ҷойи ҳодиса ғайб задааст”.
Манбаъ ҳаҷми зарари расонидашударо 2 ҳазору 400-сомонӣ арзёбӣ кард. ВКД афзуд, ки нисбати ин ҳодиса парвандаи ҷиноятӣ оғоз гардида, тафтишот идома дорад.