Тавре ба хабаргузории «Озодагон» аз ВКД иттилоъ доданд, зимни як амалиёти тафтишотӣ-санҷишии мақомоти интизомӣ дар ҷангалзори деҳаи Шури ҷамоати Чилдара 1 адад силоҳи оташфишони тамғаи «АК» таҳти рақами 80223332, соли бароришаш 1992, 2 дона норинҷаки дастии навъи РГД-5, 25 дона тири мусалсал, қутраш 7,62-мм, 20 дона тири силоҳи худкори қутраш 5,45-мм дарёфт гардид.
Бино ба қавли манбаъ ҳамчунин аз ин мавзеъ, 1 адад воситаи мухобироти кайҳонии «Моторола-ОР338», 2-адад детонатор (маводи мунфаҷира), 17 метр ноқили бавуҷудовардани таркиш, 3 дона тирдони автомат, 1 дона халта барои лавозимоти ҷангӣ (подсумка) низ ошкору мусодира шудааст.