Дар ин бора ба хабаргузории «Озодагон» аз ВКД иттилоъ доданд. Бино ба қавли манбаъ, зимни амалиёти кормандони милиса дар ноҳияи Исфараи вилояти Суғд шаҳрванд Ҷамшед Турсунови 28- сола, сокини ҷамоати Ворух, кӯчаи К.Каримов 226, ки айни замон дар ягон ҷо кор намекунад, дастгир карда шуд.
Ӯ бо роҳи фиреб ба боварии шаҳрванд Раҳматҷони 58- сола, сокини ҷамоати Чоркӯҳ даромада, аз ӯ масолеҳи сохтмониро ба маблағи 18.500 сомонӣ гирифта, маблағашро барнагардонидааст.
Феълан, нисбати Ҷамшед Турсунов парвандаи ҷиноӣ бо моддаи 247-и КҶ-и Тоҷикисон оғоз карда шуда, тафтишот идома дорад.