Дар робита ба ин аллакай конференсияи илмӣ-амалӣ дар доираи амалиёти даҳсолаи об барои ҳаёт таҳти унвони «Об-мӯъҷизаи табиат» анҷом ёфт.Дар донишгоҳу донишкадаҳо ва коллеҷу омӯзишгоҳҳои пойтахт бошад, сӯҳбату муколама ва ҳамойишҳои марбути мавзӯъ сурат гирифта, ин намуд чорабиниҳо то 5-уми июн идома мекунанд. Ташкил ва ба намоиш гузоштани «Гӯшаҳои табиат», расмҳо дар мавзӯҳои экологӣ ва таъмини фаъолони гурӯҳи «Патрули сабз» дар чорабинӣ аз тасмими дигари шаҳрдорӣ унвон мешавад.
Ёдрас менамоем, ҷаласаи 27-уми Ассамблеяи Генералии СММ 16-уми декабри соли 1972 қарореро ба тасвиб расонид, ки тибқи он ҳамасола 5-уми июн ҳамчун рӯзи байналмилалии ҳифзи муҳити зист таҷлил мегардад.