Аз бонки мазкур ба Озодагон иттилоъ доданд, ки дар ҷараёни ин ҳамоиш роҳбарону мутахассисони бонкҳои Тоҷикистон фикру андешаҳои мушаххаси худро дар мавриди ҳаллу фасли камбудиҳои мавҷуда дар кори банкоматҳо, таъмини пурра ва саривақтии онҳо бо пули нақд, ислоҳи камбудиҳои техникӣ, ки ба фаъолияти муназзами банкоматҳо монеаҳо эҷод месозанд, баён намуданд.
Намояндагони Бонки миллӣ мегӯянд, банкоматҳо бояд ҳамеша фаъол бошанд, то соҳибони картаҳои пардохтӣ тавонанд дар лаҳзаҳои зарурӣ аз хизматрасонии онҳо истифода баранд.Бояд зикр намуд, ҳар гуна шикоятҳо дар мавриди фаъолияти хизматрасонии банкоматҳо аз ҷониби муштариён борҳо садо додааст.