“Барқи тоҷик” гуфт, лимити рӯзонаи барқро лағв кард
Ширкати “Барқи тоҷик” мегӯяд, сар аз имрӯз, 5-уми март лимити рӯзонаи барқ дар навоҳии Тоҷикистон лағв мешавад.
Нозирҷон Ёдгорӣ, сухангӯи “Барқи тоҷик”, мегӯяд, сар аз имрӯз мардуми навоҳии Тоҷикистон аз соати 5:00-и субҳ то соати 23:00-и шаб пурра бо барқ таъмин хоҳанд шуд.
Дар мавриди санаи лағви пурраи лимит дар Тоҷикистон Ёдгорӣ таъкид кард, ки бо назардошти носозгориҳои эҳтимолии табиат ҳанӯз дақиқ нест. Ӯ афзуд, ки “Барқи тоҷик” ният дорад, таъминоти муштариёнро бо барқ зина ба зина зиёд намуда, лимитро нисбат ба солҳои пеш барвақттар бартараф кунад.