Бахшҳо
21 июн 2013 09:10Тоҷикистон / Сиёсат

Одобномаи корбарони интернет: Ахлоқ ё маҳдудият?

Тарҳи ибтидоии Одобномаи корбарони Интернет ё Одобномаи шаҳрванди электронӣ барои муҳокимаи корбарони Интернет пешниҳод шудааст.

Дар муқаддимаи ин тарҳ гуфта мешавад, “мо аъзои ҷомеаи иттилоотии рақамӣ одобномаи шаҳрванди электрониро пазируфта, бар онем, ки меъёрҳои одоби ҳаёти воқеӣ дар ҳаёти виртуалӣ ҳам бояд пурра риоя гарданд”.

Таҳиякунандаҳои тарҳи ин одобнома мегӯянд, меъёрҳои он ҳам дар муошират бо телефони ҳамроҳ ва ҳам дар шабакаи умумиҷаҳонии Интернет татбиқ мегарданд.

Аз ин пеш Асомуддин Атоев, раҳбари Анҷумани ширкатҳои фароҳамкунандаи Интернет ба «Озодагон» гуфта буд, тарҳи одобномаро ба гуруҳи корие, ки зери котиботи Шӯрои оид ба ТИК-и назди раисиҷумҳури Тоҷикистон фаъолият доранд, пешниҳод кардаанд. Қарор аст, ин тарҳ рӯзи 24-уми июн бо ҳузури фаъолони Интернет, хабарнигорон ва мақомот низ дар Душанбе баррасӣ шавад.

Тарҳи ибтидоии Одобномаи шаҳрванди электронӣ аз 21 банд иборат аст:

1. Манфиатҳои ҷамъиятӣ ҳангоми истифодаю татбиқи технологияҳои иттилоотию коммуникатсионӣ авлавият доранд.
2. Пиндори нек, гуфтори нек, кирдори нек дар фазои виртуалӣ ҳам, новобаста аз макону замон, ҳатмианд.
3. Риоя ва эҳтироми ҳуқуқу озодиҳои инсон, қонунҳои миллӣ, санадҳои ҳуқуқии байналмилалӣ дар фазои виртуалӣ низ ҳатмианд.
4. Одоби муошират ҳангоми истифодаи ТИК ҳам бояд риоя гардад, аз ҷумла муроҷиаткунанда бояд худашро муаррифӣ намуда, мақсади муроҷиати худро ба таври кӯтоҳ ва возеҳ фаҳмонад.
5. Риояи одоби истифодаи сарчашмаҳо ва манбаъҳо тавассути ТИК низ ҳатмӣ мебошад.
6. Риояи меъёрҳои забони давлатӣ ва анъанаҳои миллӣ дар фазои виртуалӣ низ ҳатмианд.
7. Муоширати дурударози безарурат бо телефон ва дигар воситаҳои алоқа дар ҷойҳои ҷамъиятӣ ҷоиз нест.
8. Дар ҷойҳои ҷамъиятӣ тавассути ТИК истифодаи садоҳои гӯшхарош, суханони қабеҳу беодобона ва баланд гӯш кардани мусиқӣ қобили қабул нест.
9. ТИК бояд тарзе истифода шавад, ки ба фароғати дигарон халал ва ба саломатии онҳо зарар нарасонад.
10. Ба таҷҳизот ва воситаҳои технологии дигарон бе иҷозат расидан ва аз он истифода бурдан мумкин нест.
11. Истифодаи ТИК барои таъқиб, таҳқир, тӯҳмат, иғво, воҳима, ғаразварзӣ, маҳалгароӣ ва дигар амалҳои манфӣ манъ аст.
12. Эҳтироми моликияти зеҳнӣ ҳатмӣ буда, бо истифода аз ТИК низ асардуздӣ (плагиат) манъ аст.
13. Сухан ва маълумоти шахси дигарро таҳриф ва коста намудани мазмуни он мумкин нест.
14. Ба воситаи ТИК спам (ҳарзанома) фиристодан мумкин нест.
15. Маълумоти шахсии инсон дар фазои виртуалӣ ҳам дахолатнопазир буда, истифодаи беиҷозати он мумкин нест.
16. Табъизи миллӣ, забонӣ, динӣ, нажодӣ ва гендерӣ дар фазои виртуалӣ низ манъ аст.
17. Аз донишу малакаи нокифояи технологию иттилоотии дигарон суйистифода кардан ҷоиз нест.
18. Ҳифзи ҳуқуқу манфиатҳои ноболиғон ва ниёзмандон вазифаи афзалиятнок дар фазои ТИК мебошад.
19. Шарҳу посухи беодобонаю ғайриқонунии маълумоти дигарон манъ аст.
20. Ҳар шахс барои маълумоти интишоркардаи худ масъул мебошад.
21. Ҳар шахс барои вайрон намудани одоб дар фазои виртуалӣ бояд масъулият ҳис намояд.
Мӯҳр
Мана озодии сухан, тахлили модаи 30 Конститутсия

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)