21 июн 2013 14:30Тоҷикистон / Акс

АКС: Азиза Қаюмова: “Пул наёфтем, ки ба Куриё равем...”

Федератсияи рақсҳои варзишии Тоҷикистон ба иллати пайдо накардани пул натавонистааст ба Бозиҳои олимпии Осиё ба Куриё равад.

Азиза Қаюмова, масъули федератсия, ба “Озодагон” гуфт, онҳоро Анҷумани байналмилалии рақсҳои варзишӣ ба Куриё даъват карда буд ва ин бозиҳо охири моҳи июн ва аввали моҳи июли соли ҷорӣ баргузор мегардад. “Барои иштирок дар ин бозиҳо мо омодагӣ дида будем. Аммо аз сабаби набудани имконият тайёрии худро ба соли оянда мондем”,-гуфт ӯ.

Хонум Қаюмова аз он шиква кард, ки Кумитаи олимпии Тоҷикистон онҳоро аз нигоҳи молӣ пуштибонӣ намекунад ва онҳо маҷбуранд, бо дарёфти сармояи худӣ варзишгаронро барои мусобиқаҳо фиристанд.

“Феълан федератсияи моро ба Русия ба мусобиқаи бози рақси Амрикои Лотин, ба Қирғизистон барои мусобиқаи байналмилалӣ аз намуди рақси брейк-данс, ки дар моҳи сентябри соли равон баргузор мегардад, даъват намудаанд. Айни замон барои иштирок дар ин мусобиқаҳо омодагӣ мебинем ва умеди онро дорем, ки мушкили молӣ пеш нахоҳад омад”, - афзуд Қаюмова.

Федератсияи рақсҳои варзишии Тоҷикистон як соли қабл таъсис шуда, ба дӯстдорони рақсҳои муосир рақсҳои варзиширо меомӯзонад. Азиза Қаюмова мегӯяд, ҳоло ҳаводорони рақсҳои варзиширо як гурӯҳи 14-нафарии устодон бештар аз рӯи се равия -- брейк-данс, рақси Амрикои Лотин ва ҳип-ҳоп омӯзиш медиҳанд.

АКС: Азиза Қаюмова: “Пул наёфтем, ки ба Куриё равем...”

Мӯҳр

Хабарҳои монанд:

Галчабой

Хуб шуд,маблаг ёфт нашуд.....Охир ин ахволии духтархорор бинед.....

Ҷавоб диҳед Иқтибос Шикоят

Jovidon

Bой бар холи мо барин точикхо....Ба кадом холат гирифтор шудем...Аслан ман хайронам, ки волидони ин духтархо шарм аз Худованд намекарда бошанд.....

Ҷавоб диҳед Иқтибос Шикоят

sobir

salom in hama jonkaniho vu kushish baroi ki va charo // fasod kardani jomea/ past zadati sha,nu sharafi millati tojeek/ magar in chist ki shumo mardг zan bo ham injo omaded va kore ro anjom medihed ki millati tojeek hejgoh namebakhshad shumoro boyad/
guftani hastam ki ba in hukumat chunin joyho khub ast va kushish ba kharj medihand to ki in guna makonhoi fasod bisyor boshand to ki inson insoniyatshro gum kunad va az asli ofarinish dur boshad/ harchi mkushish dorand to musalmononro dur az dinu oinashon gardonan to ba pastivu khori biravand pas baroi onho hukmroni osontar meshavad pas ba khud oyed va az inguna korhoe ki insonro ba pasti mebarad dur shaved in gapi yak insonest ki baroi oyandai shumo va farzandoni shumo khohad bud ki agar qabool nadoshta boshed dar oyanda pushaymon khohed shud

Ҷавоб диҳед Иқтибос Шикоят

Эзоҳ илова кунед