Бахшҳо
03 окт 2013 12:16Тоҷикистон / Сиёсат

Шикоят ва дархости Муҳиддин Кабирӣ аз Додгоҳи Қонуни асосӣ

Ҳизби наҳзати исломии Тоҷикистон (ҲНИТ) дар номае бо имзои Муҳиддин Кабирӣ, раиси ин ҳизб аз қонуншиканиҳо вобаста ба интихоботии президентии 6-уми моҳи ноябри соли ҷорӣ ба Додгоҳи Қонуни асосӣ (Суди конститутсионӣ)-и кишвар шикоят бурдааст. ҲНИТ аз Додгоҳи Қонуни асосӣ хостааст, тибқи Қонун дар бораи интихоботи президентӣ ба ин ҳама қонуншиканиҳо расидагӣ кунад.

Дар ин номаи ҲНИТ омадааст, “талаботи зикршудаи моддаи 25-и Қонуни конститутсионӣ “Дар бораи интихоботи Президенти Ҷумҳурии Тоҷикистон” моҳиятан табъиз буда, ҳуқуқи интихоботии шаҳрвандон, аз ҷумла ихтиёрдорӣ аз ин ҳуқуқҳоро тавассути фаъолият дар ҳизбҳои сиёсӣ мамониат мекунад ва аз ин рӯ бархилофи муқаррароти моддаҳои 5-6, 10, 14, 24 ва 27-и Конститутсияи Тоҷикистон мебошад.”

Инчунин гуфта шудааст, дар баробари муқаррар намудани ҳуқуқи умумиву баробари интихоботи президент (қ.1 моддаи 65), Конститутсия дар мавриди дастгирии пешниҳоди номзад ба ин мансаб зарурати имзои ҳадди ақал 5 фоизи интихобкунандагонро сарфи назар аз ҳама гуна фарқият миёнашон, аз ҷумла вобаста ба ҷойи зист, пешбинӣ намудааст. “Талаботи зикршудаи қисми дуюми моддаи 25 Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» ба муқаррароти марбутаи санадҳои ҳуқуқии байналмилалӣ низ ихтилоф дорад”,-таъкид шудааст дар идома.

ҲНИТ мегӯяд, қисми 2-и моддаи 28-и Конститутсияи Тоҷикистон иштироки ҳизбҳои сиёсиро дар ҳаёти сиёсӣ ва масъулияти онҳоро ҷиҳати мусоидат ба ифодаи иродаи халқ пешбинӣ намудааст: “Ин аст, ки талаботи мавриди назари Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» ҳуқуқҳои конститутсионии аъзову ҷонибдорони Ҳизби сиёсиро низ, бахусус онҳоеро, ки буду бошашон берун аз қаламрави мамлакат аст, маҳдуд месозад.”

Дар идома таъкид шудааст, “қисми дуюми моддаи 25-и Қонуни конститутсионии Тоҷикистон «Дар бораи интихоботи Президенти Ҷумҳурии Тоҷикистон» аз хусуси «пешниҳод намудани бланкаҳо бо имзои шаҳрвандон оид ба дастгирии номзад ба мансаби Президент, ки раисони ноҳияҳо, шаҳрҳо тасдиқ кардаанд, дар ҳолатҳое, ки дар ин Қонуни конститутсионӣ зикр ёфтаанд» ба моддаҳои 5-6, 10, 14, 24 ва 27-и Конститутсияи Тоҷикистон мухолифат дорад, яъне ғайриконститутсионист ва ҳуқуқҳои шаҳрвандон ва ҳизбҳои сиёсиро вайрон мекунад.”

Раҳбарияти ҲНИТ афзудаанд, бар асоси моддаҳои 84 ва 89 Конститутсияи Тоҷикистон, моддаҳои 1, 14, 34, зербанди 7) моддаи 37 ва моддаи 40-и Қонуни конститутсионии Тоҷикистон «Дар бораи Суди конститутсионии Ҷумҳурии Тоҷикистон хоҳиш доранд, қисми дуюми моддаи 25 Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» бо мазмун аз хусуси «пешниҳод намудани бланкаҳо бо имзои шаҳрвандон оид ба дастгирии номзад ба мансаби Президент, ки раисони ноҳияҳо, шаҳрҳо тасдиқ кардаанд, дар ҳолатҳое, ки дар ин Қонуни конститутсионӣ зикр ёфтаанд», ғайриконститутсионӣ дониста шавад.
Мӯҳр
Адвакат
Огои Кабири хаминро бояд барвактар мекардед ман аз ин судхо харгиз бовар надораму. Хубтараш барвактар мекардед холо мумкин 300000 имзо ба тарафдории номзади арзанда ва хукукшиноси машхуру адолатхох Бобоназарова чамовари мекардед. Ман ба судхои худамон бовар надорам факат ин шикоятатонро ба суди байналмилали мебурдед шояд бурди шумо мешуд. Ва пирузхам мешудед иншоаллох.

Карим
О ин ккабири хирси тирамохи аст, ки дар имруз бедор шудааст аммо вай ба часоратхои Зоиров баробар шуда наметавонад, кучо шуд ин посуххошя ё тарсид ки посух дихад...!!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)