Бахшҳо
09 окт 2013 18:21Тоҷикистон / Сиёсат

Талаби аз 8 то 10 соли зиндон ба Садриддин Тошев ва Суннатулло Ризоев (ВИДЕО)

Иброҳим Саидов, намояндаи додситонии Суғд, аз додраси парвандаи Садриддин Тошев ва Суннатулло Ризоев, ду маҳбуси зиндони Хуҷанд, хостааст, онҳоро аз ҳашт то даҳ сол равонаи зиндон кунад.

Оқои Саидов дар мурофиаи рӯзи 9 октбяр эълом карда, ки “мувофиқи моддаи 332 ва 346-и Кодекси ҷиноӣ Суннатулло Ризоев 10 сол ва Садриддин Тошев 8 сол аз озодӣ маҳрум шаванд”. Мақомот Ризоев ва Тошевро барои паҳн намудани тақрибан ҳафт навори видеоие, ки дар бораи шиканҷаи зиндониёни Хуҷанд нақл мекунад, муттаҳам мешуморанд.

Аммо Файзиннисо Воҳидова ва Абӯбакр Қулматов, вакилони мудофеи ин ду маҳбус, талаби айбдоркунандаи давлатиро ғайриқонунӣ дониста ва гуфтанд, нафарони таҳти ҳимояташон гуноҳе содир накардаанд. “Дар тӯли бештар аз се моҳ дар мурофиаи судӣ муайян карда шуд, он айбҳое, ки нисбат ба ду судшаванда эълон карда шудааст, тасдиқи худро наёфтанд. Зеро судшавандаҳо дар ҷойҳои адои ҷазо қарор гирифта, ҳеч имкони паҳн кардани маълумоти бардурӯғ, бахусус навори видеоиро надоштанд”,-афзуд Воҳидова.

Видеои шиканҷаи Садриддин Тошев



Хонум Воҳидова дар идомаи суҳбаташ гуфт, “дар мурофиаи судӣ бе баҳс муайян карда шуд, ки санаи 5-уми ноябри соли гузашта ҳангоми ворид шудан ба муассисаи 3/3-и шаҳри Хуҷанд, воқеан, ҳамаи маҳбусон мавриди шиканҷа қарор гирифта буданд. Аммо ягон далели шайъӣ гирифта нашудааст ва то имрӯз ба парванда флешкорт ё телефони мобилие, ки тавассути он шиканҷаи зиндониён ба навор гирифта шудааст, вуҷуд надорад.”

Вакилони мудофеи Суннатулло Ризоев ва Садриддин Тошев далели бегуноҳии зерҳимояҳои худро дар он мебинанд, ки онҳо ягон воситаи техникӣ ва дастрасӣ ба сомонаҳои интернетӣ надоштанд, то иттилои бардурӯғро паҳн намоянд. Агар талаби айбдоркунандаи давлатӣ аз сӯи додрас қонеъ карда шавад, дар он сурат Тошев ва Ризоев аз рӯи маҷмӯи ҳукмҳое, ки қаблан бар асоси он зиндонӣ шуда буданд, 12 соли дигар дар зиндони низомаш сахт адои ҷазо хоҳанд кард.

Садриддин Тошеву Сунатулло Ризоев тирамоҳи соли гузашта, дар пайи марги Ҳамза Икромзода дар зиндони рақами аввали Душанбе, ҳамроҳ бо маҳбусони дигар ба Хуҷанд интиқол ёфтанд.


Дар акс: Файзиннисо Воҳидова ва Абӯбакр Қулматов
Мӯҳр
СУДЯ
ГОВСУД ЗИНДА БОД!

Мархамат ин аст ватану ватандори ин аст озодию хакикатпарасти шахсе, ки хайвонгарихои кормандони зиндонро ошкор карданд, ки чандин фарзандони ин миллатро маъюб кардаву аз азоб дихии онхо ба халокат расонида буданд ба чое, ки мукофот диханд не балки хашт дах сол говсудашон мекунанд....

Абдуллох
Rustam Rustamov,
Бародари азиз инхоро як нафар шиканча дода бошад агар хеч гапе не локин ин бадбахтон чансад нафаронро шиканча додаву чандин нафарони зиёдро аз зиндаги махрум кардаанд ин азоби Худованд аст бар онхо вакте дар озоди буданд барои дар рохи рост рафтан бояд мубориза мебурданд холо ки бо ризогии Худованд ба чазо гирифторанд халоси мечуянд холатон аз ин бад.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Январ 2023    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)