12 окт 2013 10:33Тоҷикистон / Сиёсат / Интихобот - 2013

КМИР: Ситоди Бобоназарова агар имзоҳоро пешниҳод мекард...

Кумиссиюни марказии интихобот ва раъйпурсии Тоҷикистон (КМИРТ) мегӯяд, агар ситоди интихоботии Ойниҳол Бобоназарова, номзади ягонаи Иттиҳоди нерӯҳои ислоҳотхоҳ (ИНИТ) имзоҳои ҷамъовардаашро ба онҳо пешниҳод мекард, “ягон чора медиданд”.

Ин нуктаро Шермуҳаммади Шоҳиён, раиси КМИРТ, рӯзи 12-уми октябр зимни як ҷаласаи ин ниҳод иброз дошт. Ситоди Ойниҳол Бобоназарова рӯзи 11-уми октябр дар охирин рӯзи пешниҳоди имзоҳо гуфт, натавонистааст 210 ҳазор имзои заруриро ҷамъ биёрад ва бинобар ин, эълон кард, аз идомаи сабқат барои дарёфти курсии президентӣ даст мекашад. Ин ситод гуфт, ба тарафдории номзадаш ҳамагӣ 201 ҳазору 236 имзо ҷамъ намудааст.

Хонум Бобоназарова ягона номзади зан ба мақоми президентӣ дар интихоботи 6-уми ноябри соли 2013 буд. Бо хориҷ шудани Бобоназарова, шаш номзад барои курсии президентӣ талош хоҳанд кард.

Шермуҳаммади Шоҳиён, раҳбари КМИР дар ҷаласаи рӯзи шанбе ҳамчунин гуфт, шурӯъ аз 14-уми октябр мулоқоти якҷояи номзадҳое, ки сабтином шудаанд бо намояндаҳои 41 шаҳру навоҳии кишвар оғоз мегардад. “То 22-юми октябр рӯйхати интихобкунандаҳо низ дақиқ мешавад. Ҳоло 4 миллиону 34 ҳазор райъдиҳанда маълум шудааст”,-афзуд ӯ.

Интихоботи рӯзи шашуми ноябрро ҳудуди 700 нозири хориҷӣ, аз ҷумла нозирони Созмони Амният ва Ҳамкорӣ дар Аврупо, Иттиҳоди давлатҳои мустақил ва Созмони Ҳамкориҳои Шонгҳой назорат хоҳанд кард. То кунун ҳайати нозирони САҲА ва ИДМ вориди Тоҷикистон шуда, ба назорати фазои пешазинтихоботии Тоҷикистон оғоз кардаанд.

Мӯҳр

Хабарҳои монанд:

Абдуллох

Хуб мешуд Шохиён руи рост мегуфт, ки агар ситоди интихоботии Бобоназарова руйхатро пешниход мекард мо онро ба кумитаи амнияти миллии медодем то якояки онхоро аз галбер гузаронанд.

Ҷавоб диҳед Иқтибос Шикоят

Шукруллоҳ

интихобот барои халқи Тоҷикистон чи лозим, масрафҳои беҳуда накарда шаҳру ноҳияҳоро ғам надиҳед, ин номзадҳои шумо лухтак ҳастанд ва аз рахмон васфу ситоиш мекунанд, ҳамин масрафи интихобота ба ягон кудакистон ё хона интернатҳо таксим кунед савоби зиёд мегиред. Бигзор Рахмон ҳамчун президент корашро давом диҳад.

Ҷавоб диҳед Иқтибос Шикоят

ораз

тафаккури исломи интиоботро намепазирад. гулом бе хоча нест ё ба лафзи дигар гулом хочаро интихоб намекунад...

Ҷавоб диҳед Иқтибос Шикоят

Маъруф азМастчох

Сарфаи пули интихобот хеле мухим аст барои миллати мо.

Ҷавоб диҳед Иқтибос Шикоят

Санавбар

Эй бародари Шохиён чихела хисоб карден, ки 4млн 34 хазора 5 фоизашро 210 хазор бароварден. Охир як бори дига хисоб кунед, 201 хазору 700 имзо мешад ку. Ё интихобкунандахо зиёдтаранд????

Ҷавоб диҳед Иқтибос Шикоят

Салмон

Онхо харосиданд,ки агар номзадии Ойнихол Бобоназароваро ба макоми президенти ба кайд гиранд, хонум Бобоназарова О хатман бештари овозхои интихобкунандахоро ба даст меорад

Ҷавоб диҳед Иқтибос Шикоят

чт

Хай тарсида гардем оянда нонро пурсида мехарем. Дида истед!!!!!

Ҷавоб диҳед Иқтибос Шикоят

Эзоҳ илова кунед