Бахшҳо

Видео: Легионери эронӣ дар сархати нишонзанҳои қаҳрамонии Тоҷикистон

Ибодуллоҳи ТОҲИР

Ҳусейни Сӯҳробӣ, легионери эронии дастаи “Истиқлол”-и Душанбе дар Мусобиқоти қаҳрамонии имсолаи футболи Тоҷикистон 11 гол задааст ва дар сархати нишонзанҳои беҳтарини мусобиқот қарор дорад.

Ин легионери эронӣ ду голи охири худро дар бозии даври 17-уми мусобиқоти қаҳрамонии футболи Тоҷикистон дар дидор бо “Регар-ТадАЗ”-и Турсунзода ба ҳадаф расонидааст.



Ҳусейни Сӯҳробӣ чор моҳ қабл аз тими “Хайр”-и Ваҳдат ба дастаи “Истиқлол” гузашта буд. Вай дар давраи аввали мусобиқоти қаҳрамонии футболи Тоҷикистон, ки дар ҳайати дастаи “Хайр” бозӣ мекард, 7 гол зада буд. Ӯ то замони ба дастаи “Хайр” гузаштанаш дар тими “Нафти Теҳрон”-и Эрон бозӣ мекард.

Ҳусейни Сӯҳробӣ 26 сол дошта, қадаш 1-метру 85 сантиметр, вазнаш 82 кило мебошад. Ӯ аксарияти голҳои задаашро бо сар вориди дарвоза кардааст. Дар рӯйхати нишонзанҳои беҳтарини мусобиқот пас аз Ҳусейни Сӯҳробӣ ҳамдастааш- Дилшод Восиев бо - 7 тӯб дар зинаи дуюм аст. Ҷаҳонгир Эргашев (“Истиқлол”), Александр Кудряшов (“Истиқлол”) ва Мирзобек Мирзоев (“Хайр”) - 5-тӯбӣ задаанд.

Ёдовар мешавем, ки бошгоҳи “Истиқлол”-и Душанбе бо Ҳусейни Сӯҳробӣ то охири мавсим шартнома бастааст ва тамдиди ин қарордод боз барои се соли дигар дар назар дошта шудааст.

Дастаи "Истиқлол"-и Душанберо соли 2007 Рустами Эмомалӣ, писари раисиҷумҳури Тоҷикистон, президенти феълии Федератсияи футболи Тоҷикистон таъсис дода буд. Дастаи "Истиқлол" ду сол пайи ҳам (2010 ва 2011) қаҳрамони футболи Тоҷикистон шуда буд, вале соли гузашта дар бозии ниҳоии Мусобиқоти қаҳрамонии Тоҷикистон аз тими "Равшан"-и Кӯлоб шикаст хӯрда, натавонист, ки барои бори сеюм унвони қаҳрамони футболи Тоҷикистонро соҳиб шавад. Аммо барои тими “Равшан” барои аввалин бор буд, ки унвони қаҳрамониро ба даст овард.

Дар Мусобиқоти қаҳрамонии имсола бошад дастаи “Истиқлол” ҳам дар бозии хонагӣ ва ҳам дар бозии ҷавобӣ аз тими “Равшан” бо ҳисоби якхелаи 1:0 шикаст хӯрд. Ҳамин тариқ дар ҷадвали мусобиқоти имсолаи қаҳрамонии Тоҷикистон “Равшан” аз 11 пирӯзӣ ва як мусовӣ 34 имтиёз ба даст оварда, дар ҷойи аввал аст. “Истиқлол”-и Душанбе, ки то имрӯз 13 бозӣ кардааст дар ду дидор шикаст хӯрда, дар 11 дидор пирӯз шудааст ва бо 33 имтиёз дар зинаи дуюм қарор дорад.
Мӯҳр
123
Ин кадар бозингари хуб афсус ки дар ин даста мухлиси зиёд надорад зеби ин бозингар Равшани Кулоб аст

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)