Бахшҳо

“Агар баҳси бистарӣ шудан тавассути президент ҳал шавад...”

Ашӯрбибӣ Собитова, як сокини ноҳияи Исфара ва модари Алишер Узоқови маҳбус, бо ирсоли номае аз мардуми тоҷик даъват кардааст, барои ҳалли мушкилоти хеш ба унвони раисиҷумҳури Тоҷикистон ва идораву вазоратхонаи дигар муроҷиат накунанд, чун ба гуфтаи ӯ ин ҳама ҷуз таассуфхӯрӣ чизи дигаре дар пай нахоҳад дошт.

Ба гуфтаи Собитова, ӯ борҳо ба идораву дастгоҳи президент ва вазоратхонаҳои кишвар муроҷиат кардааст. Вале ҳоло ба қавли худаш, аз бе посух мондану ҷавобҳои “сохта”-и мансабдорон пушаймон ва шарманда аст, ки чаро назди раҳбарони ин муассисаҳои давлатӣ ба хотири адолати иҷтимоӣ ва талаби ҳаққи ҳалоли худ сар хам ва чӣ қадар илтимосу илтиҷо кардааст.

Ин модари тоҷик, ки фарзанди бемораш дар яке аз маҳбасҳои шаҳри Душанбе қарор доштааст, дар номаи худ ба унвони хабаргузории “Озодагон” навиштааст, “ба хулосае омадам, ки муроҷиат ба президент, додситони кул, вазири адлия, раҳбари дастгоҳи президент, сардори Саррёсати иҷрои ҷазои ҷиноӣ ва даҳҳо вазирону кабирон ҳеч маъние надорад, зеро мардуми тоҷик дар назди ин қишри ҷомеа “ду пули пучак” арзиш надорад ва яке аз миллати хору зори рӯи олам гаштааст.”

Хонум Собитова шикоят дорад, ки ҳар боре ба Эмомалӣ Раҳмон муроҷиат мекунад, номаи ӯ то раисиҷумҳури кишвар намерасад: “Як муроҷиати ман ба унвони раисиҷумҳури Тоҷикистон аз чанд дарвоза мегузараду аммо ба худи ӯ намерасад. Фаҳмида мешавад, дар остонаи дастгоҳи президент нуқтаи гумрукӣ ё “шлагбаум” насб шудаасту ягон мактубу муроҷиат то Эмомалӣ Раҳмон нарасида, раис ё мушовири раиси дастгоҳ посух медиҳад. Яъне мактуби ман ба додситони кул ирсол шудааст. Аз додситони кул ҷавоб медиҳанд, ки арзи ман ба вазири адлия, вазири адлия ба Саррёсати иҷрои ҷазо, ин идора ба муассиса, муассиса ба қисми тиббӣ… ин футболбозӣ нуқтаи охир надорад. ”

Ашӯрбибӣ Собитова мегӯяд, бори охир баъд аз муроҷиатҳои бепосуху бефоидааш ба вазорату идораҳои марбутаи кишвар ба унвони Эмомалӣ Раҳмон, ягонаи шахси кафили ҳуқуқ ва озодиҳои шаҳрвандони Тоҷикистон нома навишта, аз ӯ барои интиқоли фарзанди гирифтори бемории руҳияш аз маҳбас ба беморхонаи касалиҳои руҳӣ воқеъ дар ноҳияи Рӯдакии пойтахт кумак хостааст. Аммо ин бор низ муроҷиати ба президент кардаи ӯ, ба гуфтааш, то Эмомалӣ Раҳмон нарасидааст, мисли борҳои пешин ба мақомоти додситонӣ, аз додситонӣ ба Вазорати адлия вогузор ва бенатиҷа анҷом ёфтааст.

Ин модари тоҷик шарҳ медиҳад, ки писараш - Алишер Узоқов бо ҳукми додгоҳи вилояти Суғд маҳкум ва ба муассисаи ислоҳии рақами 1- шаҳри Душанбе интиқол ёфтааст. Дар ҳоле ки ба гуфтаи ӯ, Узоқов аз хурдӣ ба бемории руҳӣ гирифтор буда, дар қайди беморхонаи касалиҳои рӯҳӣ низ қарор дорад: “Фарзандамро ҷонибдорӣ намекунам, ҷинояти махсусан вазнин содир кардааст ва талаб надорам, озод шавад. Барои кирдораш дар назди қонун ҷавоб хоҳад дод. Аммо, намедонам ин қонун барои кӣ бошад? Яъне қонуни ҷиноӣ пешбинӣ намудааст, ки дар назди қонун шахси мукаллаф бояд ҷавоб диҳад.”

Собитова аз он дар ташвиш аст, писари гирифтор ба касалии руҳияш рӯзе дар маҳбас боз ба саломатии нафари дуюм зарар нарасонад ва ин ҳама дархосту муроҷитаҳои ин модари тоҷик низ ба он хотир мебошад, ки фарзандаш дар беморхона мавриди табобати касбӣ қарор гирад. Муаллифи нома дар идома нигаронӣ аз он кардааст, ки ҳоло вазъият дар Тоҷикистон то ҳадде расидааст, ки барои ҳалли одитарин мушкил дахолати раисиҷумҳури кишвар лозим аст.

“Агар як баҳси бистарӣ шудани маҳбус ба беморхона тавассути президент ҳал шавад, пас, ин мақомот ба кадом мақсад созмон дода шуда, вазиру кабирон ба чӣ кор машғуланд? Акнун, ки дар солҳои тӯлонӣ аз даргоҳи президент низ адлро дарёфт накардам, ниҳоят тасмим гирифтам, бори охирин ба мардуми худ муроҷиат кунам ва ба ҳаммиллатонам расонам, ки ҳеч гоҳ барои таъмини адл ва талаби ҳаққи ҳалоли худ талош накунанд, ин муроҷиатҳо, навиштанҳою посуҳҳои бемаънӣ гирифтан танҳо бо мақсади он ки гӯиё мақомот кор мекунад, дар асл бошад, мақомот “корношоям” буда, қобилияти корӣ надоранд ва муроҷиат ба онҳо як амали беҳуда аст”,-таъкид кардааст Ашӯрбибӣ Собитова.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
фира
рост гуфтааст агар ягон тага дошта боши корат пеш меравад вагар на суханат кадре надорад чунки дар чомеаи мо вазифара мехаран хеч кас аз барои Худо шуда коре касеро хал намекунад новобаста аз он ки ин вазифа дар зимаи уст,.бе пул суханат асар надорад.Шукр гуед барои хама чиз)

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)