Наход барои анҷоми вазифаи касбӣ ҳам боздошту латту кӯб кунанд?
Хабарнигорону кормандони ВАО (СМИ) бояд “язна” ё хешу табори кӣ бошанд, то латту кӯб нашаванд ё ҳадди ақалл омилони ҳамла ба онҳо ёфтаву муҷозот гардад?
Боздошт, латту кӯб ва билохира барои ҳафт шабонарӯз ҳабси маъмурӣ шудани наворбардори хабаргузории “Озодагон” хеле аз ҳамкорони моро дар ҳолати шок гузошт. Хуршед Раҳмонов, муовини раиси Шӯъбаи умури дохилии ноҳияи Исмоили Сомонии пойтахт, ба масъулони хабаргузорӣ “қавли мардакӣ” дода буд, ки Абдураҳим Шукуровро барои ташхис ё экспертиза бурдаву пас аз он раҳо мекунад. Аммо наздик ба соати 20:00, баъд аз пофишориҳои кормандони хабаргузорӣ, дар як тамоси телефонӣ гуфт, Шукуров ҳафтшабонарӯз нигаҳдорӣ мешавад.
Аз ин пеш, наворбардори “Озодагон” дар як дидори кӯтоҳ бо масъулони хабаргузорӣ шикоят кард, ки баъд аз боздошт шудан дар роҳ ба сӯи Шӯъбаи умури дохилӣ латту кӯб шуда ва ноҳияи чашмаш осеб дидааст. Абдураҳим Шукуров ҳангоми иҷрои вазифаи касбияш боздошт шуд. Ӯро ҳангоми наворбардорӣ аз рафти таҷаммӯи наздикон ва ҷонибдорони Зайд Саидов дар назди боздоштгоҳи муваққати шаҳри Душанбе дастгир карданд. Яъне, вақте вазифаи касбияшро анҷом медод.
Наход дар ин кишвар, дигар барои анҷоми вазифаи касбӣ ҳам боздошт ва латту кӯб кунанд? Гузашта аз ин, баъд аз анҷоми рӯзу соати корӣ ва бидуни ҳузури ҳеч касе ба ҳафт шабонарӯз ҳабси маъмурӣ шудани як нафар чӣ таърифе дорад? То ин вақт аз кормандони ҳифзи ҳуқуқу тартибот интизори боздошти омилони ҳамла ба журналистонро доштем. Аммо вақте худи онҳо як корманди ВАО-ро латту кӯб мекунанд, дигар чӣ кор бояд кард?
Тоҷикистон шоҳиди латту кӯбҳои зиёди журналистон ва кормандони ВАО шудааст, ки омилони бештари онҳо бо гузашти солҳо ҳам ошкор нашудаанд. То ҳанӯз мақомот дар пайдо кардани афроде, ки ба Раҷаби Мирзо, сармуҳаррири нашрияи “Рӯзи нав” (моҳи июли соли 2004), Ҳикматулло Сайфуллозода, сухангӯи ҲНИТ (феврали 2011) ва Далер Шарипов, хабарнигори ТВ “Сафина” (майи соли 2012) ва ҳамла бурдаанд, муваффақ нашудааст.
Бо таваҷҷуҳ ба ин, оё месазад бовар кард, ки ВКД кормандони худашро муҷозот мекунад? То ин вақт зиёд мегӯянд, ки барои ба роҳ мондани тиҷорат, пешрафти кор соҳибмақом шудан бояд дар ниҳодҳои калидӣ “тағо” ё хешу табор дошта бошӣ. Шояд акнун барои пайдо кардани ҳамлаварон ҳам “тағо” лозим бошад. Ё шояд ба журналистон “язна”-и нерӯманде лозим, ки гапашро дар ниҳодҳои ҳифзи ҳуқуқ “ду” карда натавонанд? Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
