29 янв 2014 14:07Тоҷикистон / Иҷтимоӣ / Мусоҳибаҳо

Ҷавоби Рустами Ҷонӣ ба ҳушдори раиси Роҳи оҳани Тоҷикистон

Бунёдгузори “ИмрӯзНюз” изҳороти Амонулло Ҳукуматулло (Ҳукумов), раиси Роҳи оҳани Тоҷикистонро, ки онҳоро ба эҳтиёткорӣ хонда ва гуфт, медонад, дар пушти онҳо кӣ меистад, таҳдид донист.

Рустами Ҷонӣ рӯзи 29 январ дар сӯҳбат бо “Озодагон” гуфт, “қонунгузории Тоҷикистон таҳдид ба ҷони инсон ва шаҳрвандро манъ кардааст. Ба ҷуз ин ки корманди “ИмрӯзNews” як шаҳрванд аст, журналист аст ва тибқи қонунгузорӣ, вазифаҳое дорад, ки монеъ шудан ба онҳо ҷиноят аст.” Бунёдгузори “ИмрӯзНюз” мегӯяд, ҷаноби Ҳукуматулло айни замон ҳам ба журналист таҳдид кардааст ва ҳам ба шаҳрванд. “Боз ин мавқеи худро бо ҳуқуқдонҳои ширкат баррасӣ мекунем, тасмими мо қатъӣ хоҳад буд”,-афзуд ӯ.

Рустами Ҷонӣ мегӯяд, “ҳеч кас ва боз мансабдори давлатӣ ҳуқуқ надорад, аз доираи ваколатҳои худ берун равад. Ҳукумов изҳор доштааст, ки медонад пушти мо кӣ меистад. Мо ҳам медонем: Худо, қонунгузории Ҷумҳурии Тоҷикистон, кафолатҳои додаи президент. Агар таҳдиди Ҳукумов ба ҳамин пуштҳои мо равона шуда бошад, фикр мекунем, бештар ӯ «бояд эҳтиёт бошад ва ба ҷони худ ҷабр накунад». Барои мо аҷиб метобад, ки натиҷаҳои парвандаи дар ҳоли баррасибударо Ҳукумов пешакӣ медонад."

Амонулло Ҳукуматулло (Ҳукумов), раҳбари корхонаи Роҳи оҳани Тоҷикистон, рӯзи 29 январ зимни нишасти матбуотӣ, вақте сухан аз писараш Рустам Ҳукумов рафт, ба нашрияи “ИмрӯзНюз” ҳушдор дода, аз онҳо хост, эҳтиёт бошанд. Раҳбари корхонаи Роҳи оҳани Тоҷикистон гуфт, “медонам, соҳиби “ИмрӯзНюз” кист, вале ба ҳар ҳол эҳтиёт кунед.” Ӯ аз қазияи пирӯз шудани Рустам дар баҳси додгоҳӣ бо “ИмрӯзНюз” ёдовар шуда, илова кард, “ӯ ҳанӯз ин маблағи ҷубронро талаб накардааст.” Вале таъкид дошт, ин амалкарди бархе аз расонаҳои матбуоти даврии Тоҷикистон оид ба қазияи писарашро бе ҷавоб нахоҳад монд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Изхор

"Барои мо аҷиб метобад, ки натиҷаҳои парвандаи дар ҳоли баррасибударо Ҳукумов пешакӣ медонад."-рост мега хамин Муасиси Имрузнюз баъди тафтиш ки муаян шава бо чи бачата сафед кардай дар пеши журналисто!!!???

Ҷавоб диҳед Иқтибос Шикоят

банда

Агар Рустами чони вокеан устувор боши бидонки Худо хатман бо ту хохад буд

Ҷавоб диҳед Иқтибос Шикоят

Яъкуб.

Додочони Атовулло хам гуфта буд фармоишгарони суикасдашро инхо фармон дода буданд..эхтиет кунед ба чонатон гуфтан чи маъни дорад.....

Ҷавоб диҳед Иқтибос Шикоят

мигрант

Бале, вакто ки ман ин нишасти матбуотиро дидам, дар хайрат модам,ки чихел корманди хукумати Ч.ТОЧИКИСТОН ба рузноманигор чунин тахдиди руи рост карда истодааст. Аммо мутаасифона имруз дар Чумхурии мо хамин хел аст. Чаноби Рустами Чони эхтиёт кор бошед

Ҷавоб диҳед Иқтибос Шикоят

Tojik

Hukumov tahdid ba joni korgaroni Imruz News nakard, vay faqat tahdid kard, ki onhoro ba dodgoh mekashad va baroi pardokhti 50,000 somoni yo ziyodtar baroi tuhmat majbur mekunad.

Ҷавоб диҳед Иқтибос Шикоят

Эзоҳ илова кунед