Нархи чиптаи Душанбе-Хуҷанд то 531 сомонӣ боло рафт
Нархи чиптаи хатсайрҳои Душанбе-Хуҷанд ё баръакс тавассути ширкати “СомонЭйр” аз 320 сомонӣ то 531 боло рафтааст.
Бар асоси иттилои Шӯъбаи кор бо муштариёни ширкати “СомонЭйр” як чиптаи хатсайри Хуҷанд-Душанбе барои рӯзи ҷумъа 531 сомонӣ ва барои рӯзи шанбеи 1 феврал 464 сомониро ташкил медиҳад. Ин дар ҳолест, ки қаблан бар ивази тақрибан 320-350 сомонӣ аз Хуҷанд ба Душанбе тавассути хатсайрҳои ин ширкат сафар кардан имкон дошт.
Ҳоло ширкати “ТоҷикЭйр” парвози ҳавопаймоҳояш аз Душанбе ба Хуҷанд ва ё бараъксро қатъ карда, тамоми анҷоми парвозҳо дар ин хатсайр ба зиммаи “СомонЭйр” вогузор шудааст. Агарчӣ масъулони “СомонЭйр” далели якбора боло рафтани қимати чиптаҳо аз марказ ба шимоли кишварро шарҳ намедиҳанд, аммо чунин нархгузорӣ мояи шикояти сокинон шудааст. Бахусус, дар фасли сармо, ки бар асари фаромадани тарма ва боридани барфи зиёд рафтуо тавассути роҳи мошингарди Душанбе-Хуҷанд, танҳо роҳе, ки марказро бо шимоли кишвар мепайвандад, мушкил шуда, ҳатто сабаби қатъ гардидани ҳаракат гардида буд.
Дар ҳамин ҳол, масъулони Хадамоти зиддиинҳисории Тоҷикистон аз мувофиқа нашудани нархномаи чиптаҳои ҳавоии ширкати “СомонЭйр” бо ин ниҳод нигаронӣ карда буданд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |