"Маош"-и имомхатибон дар сӯҳбати раиси Кумитаи дин бо сафири Олмон
Ҷиҳати дастгирии намояндаҳои аҳли ҷомеа, бахусус ҷомеаи динии Тоҷикистон шурӯъ аз моҳи январи соли ҷорӣ тибқи дархости ходимони дин ба эшон дастгирии молиявии моҳона расонида мешавад. Ин нуктаро Абдураҳим Холиқов, раиси Кумитаи оид ба корҳои дин, танзими анъана ва ҷашну маросимҳои миллии Тоҷикистон зимни суҳбат бо Ҳолгер Грен, сафири Олмон дар Душанбе иброз доштааст.
Дар ин мулоқот, ки имрӯз, 30 январ дар шаҳри Душанбе баргузор шуд, ҷонибҳо дар мавриди роҳандозии ҳамкориҳои судманд ҷиҳати пешгирӣ ва мубориза бо зуҳуроти гуногуни номатлуб барои ҷомеа, аз ҷумла терроризму экстремизм мубодилаи афкор намуданд.
Афшини Муқим, сухангӯи Кумитаи оид ба корҳои дин, танзими анъана ва ҷашну маросимҳои миллӣ ба “Озодагон” гуфт, Ҳолгер Грен, сафири Олмон дар Тоҷикистон изҳор дошт, ки айни ҳол дар Олмон тақрибан 5 миллион мусалмон зиндагӣ мекунад.
“Сафир афзуд, ки фаъолияти иттиҳодияҳои динии ғайрианъанавӣ дар Олмон танҳо дар асоси шартнома миёни ниҳоди махсуси давлатӣ ва иттиҳодияи динӣ иҷозат дода мешавад. Ба иттилои Ҳолгер Грен дар Олмон аз ҳар як узви ибодатгоҳ, яъне ҳар нафаре, ки барои ибодат ба калисо меравад, аз ҳисоби даромади моҳонааш дар баробари дигар навъи андозҳо, андоз барои калисо ситонида мешавад”,-афзуд манбаъ.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |