04 фев 2014 11:49Тоҷикистон / Иҷтимоӣ

Шикояти се мард аз зану таъна заданҳои хушдоманашон

Масъулони Кумитаи занон ва оила дар Тоҷикистон мегӯянд, дар шаш моҳи охир се мард аз болои зан ва хушдоманашон ба ин ниҳод шикоят овардаанд. Марҳабо Олимова, муовини раиси Кумита, рӯзи чоруми феврал дар сӯҳбат бо хабарнигорон, гуфт, яке аз ин мардҳо шикоят кардааст, хушдоманаш барои кам овардани маблағ ба хона ӯро пайваста таъна мезанад.

“Мард шикоят намуд, ки гӯиё хушдоманаш мегӯяд, пул кам меоред, тиловорӣ харед, чаро тиловорӣ намехаред ба духтари ман”,-гуфт дар шаҳри иттилояш Марҳабо Олимова. Муовини раиси Кумитаи занон ва оила афзуд, шикояти ду марди дигар аз болои ҳамсаронашон будааст, ки боис ба муноқишаҳои хонаводагӣ шуда, зиндагии ширинашро талх мегардонанд. “Мо барои ҳалли шикояти мардҳо аз болои хушдоман ва ҳамсаронашон мусоидат намуда, корҳои фаҳмондадиҳӣ гузарондем”,-афзуд Олимова.

СОКИНИ 71-СОЛА ДАР ҒАМИ ОИЛАДОРӢ

Марҳабо Олимова дар идома гуфт, дар ин муддат як пирмарди 71-сола, сокини шаҳри Душанбе, барои пайдо кардани ҳамсар ба Кумитаи кор бо занон муроҷиат намудааст. Ба қавли Олимова, фарзандони ин пирмард барои ҳамсари нав гирифтани падарашон зид баромадаанд: “Лекин мо гуфтем вазифаи мо пайдо кардани ҳамсар нест ва рафта бо духтари калонияш сӯҳбат кардем. Агар зӯри падаратон мерасад, бигузор гирад. Пирамард соҳиби 5 фарзанд мебошад ва ҳамсараш вафот карда будааст.”

299 ҲОЛАТИ ХУДКУШИИ ЗАНОН

Мағфират Хидирова, раиси Кумитаи кор бо занон, дар ҷараёни ин нишасти хабарӣ ба масъалаи худкушӣ ва ҷинояткорӣ миёни занҳо дахолат намуда, гуфт, соли гузашта 299 ҳолати худкушии занҳо ба қайд гирифта шудааст, ки нисбат ба соли пешин 12 ҳолат зиёд мебошад. Раиси кумита иброз намуд, дар соли гузашта 1 ҳазору 89 ҷиноят аз ҷониби занҳо содир шудааст, ки бештараш ба ҷиноятҳои дуздӣ, қочоқи маводи мухаддир, қаллобӣ рост меояд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Точикистони нав

Ин хабар сатхи кори кормандони кумитаи занону оиларо нишон медихад. Яъне ин кумита масъалахои чиддии чомеаро гузошта ба корхои кампирона машгул аст. Хушдоман, таъна, тиловори ва гайра... Боз кумита ном дорад.

Ҷавоб диҳед Иқтибос Шикоят

зоиршо

мухтарам кормандони кумитаи кор бо занон аз шумо ехтиромона хохиш менамоям ки падарам як сол зиед боз бе хамсари азиз мебошад у хохишманд аст ки аруси кунад ба хотири танхои 82 сол дорад аз шумо ехтиромона хохиш мекунам ки агар зане пайдо шаваду рози бошад ман хамчун модар уро кабул намуда хама шароитро барояш мухае мекунам баъди сари падарам боз нигохубинаш мекунам ба хама шартхояш рози мешавам хохишмандам кумакатонро дарег надоред бо ехтиром телефони ман 938120085 емейлам хам дуруст аст

Ҷавоб диҳед Иқтибос Шикоят

Сухроб

Мухтарам намояндагони кумитаи занон хешованде дорам марди тануманди 77 сола,илтимос дар пайдо намудани хамсари нагз барои муйсафед кумак расонед.Сурогаатонро ба муйсафед медихам,уро ноумед накунед.

Ҷавоб диҳед Иқтибос Шикоят

Эзоҳ илова кунед