05 фев 2014 11:58Тоҷикистон / Сиёсат / Видео

VIDEO: Кумитаи сармоягузорӣ дар қазияи Зайд Саидов ҳамҷавобгар шудааст

Қодири Қосим, раиси тозатаъини Кумитаи сармоягузорӣ ва идораи амволи давлатӣ, гуфт, дар баҳси яке аз парвандаҳои марбут ба Зайд Саидов дар бораи хусусигардонии ошхона дар бинои Вазорати энержӣ ва саноат ба ҳайси ҳамҷавобгар даъват шудаанд. Ҷаноби Қосим ин нуктаро дар нишасти хабарии панҷуми феврал дар Душанбе баён дошт.

Қодири Қосим мегӯяд, ин ягона мактубест, ки ба ин ниҳод дар мавриди амволи Зайд Саидов ворид шудааст. Дар ҳоле ки мақомоти тафтишотӣ мегӯянд, Зайд Саидов чандин моликияти давлатиро ғайриқонунӣ аз худ кардааст. Аммо мудирияти Кумитаи сармоягузорӣ ва идораи амволи давлатӣ, ки масъули идора ва фурӯши амволи давлатӣ аст, изҳор медорад, ки ба онҳо танҳо мактуб дар бораи хусусигардонии ошхона дар бинои Вазорати энержӣ раситаасту бас.

Қодири Қосим таъкид кард, мурофиаи додгоҳӣ аз рӯи хусусигардонии ошхона дар бинои Вазорати энержӣ, ки ба гуфтаи тафтишот ғайриқонунӣ хусусӣ шудааст, рӯзи 6 феврал дар Додгоҳи иқтисодии Душанбе оғоз мешавад.

Фаттоҳ Саидов (Абдуфаттоҳи Ғоиб), раиси Оҷонсии зидди фасоди Тоҷикистон, низ ахиран изҳор дошт, Зайд Саидов, вазири пешини саноат бо сӯистифода аз мавқеъаш ошхонаи бинои Вазорати энержию саноатро ғайриқонунӣ ба номи наздиконаш хусусӣ кардааст. Ӯ таъкид намуд, ки феълан 5 парвандаи ҷиноии иқтисодӣ алайҳи Зайд Саидов мавриди тафтишот қарор дорад.

Зайд Саидов, собиқ вазири саноати Тоҷикистон, баъд аз эълони азмаш барои таъсиси ҳизби сиёсӣ боздошт шуда, моҳи декабри соли гузашта барои ришват, бисёрзанӣ ва таҷовуз ба номус ба 26 соли зиндон маҳкум шуд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Сулхия

Боз мегун, ки Зайд серу пур аст. Агар чунин мебуд, наход ошхона ва парикмахерро хусусй кунад. Э вой бар ин мансабдорон.. Аз мост, ки бар мост! Аз дасти уно Эмомали сарашро гирифта кучо равад?

Ҷавоб диҳед Иқтибос Шикоят

Ба Сулхия

ин ошхонаро соли 1999 аз биржа як одами дигар харидаги аст. писари Зайд Саидов аз он одам солхои 2007-ум харидааст. вакте ки уже вазир набуд. вале хариданаш аслан ба фоидааш нашуд. Гулов мехост бгираш натонист чун суд да бойдод вале якуним сол баъд гайри конуни мехоханд гасб кунанд

Зайд Саидов серу пур буд барои ин ки бизнесаш аз хамин хел магозахои кучак буд. чашмаш гурусна ва дузд набуд ки ТАЛКО ва заводхои калонро дуздад

Ҷавоб диҳед Иқтибос Шикоят

ба Сулҳия

Сулхия,
ҳамон одами гуфтагит сарша гирифта равад ҳама ТЕНҶ меша

Ҷавоб диҳед Иқтибос Шикоят

ШАХРВАНД АЗ КУЛОБ

ХЕЧ КУЧО НАМЕРАВАД БОЗ ИНТИЗОР МЕИСТАД КИ ЯГОН БИЗНЕСМЕНИ ТОЧИК МИСЛИ ЗАЙД АЗ ХОРИЧА ПУЛХОЯШРО БИЙРОД ДАР ТОЧИКИСТОН САХМОЯГУЗОРИ КУНАД ПАС УРО БО ТУХМАТ БА ЗИНДОН МАХКУМ КУНАД

Ҷавоб диҳед Иқтибос Шикоят

Эзоҳ илова кунед