05 фев 2014 16:36Тоҷикистон / Иқтисодӣ

6 ширкат ба мақомоти тоҷик 6,8 миллиард $ ваъда кардаанд

Шаш ширкати хориҷӣ изҳори омодагӣ кардаанд, ки ба иқтисодиёти Тоҷикистон наздики 7 миллиард доллари амрикоӣ сармоягузорӣ кунанд.

Ин нуқтаро Қодири Қосим, раиси Кумитаи сармоягузорӣ ва идораи амволи давлатӣ, имрӯз, 5-уми феврал зимни нишасти хабарӣ дар Душанбе изҳор дошта, афзуд, ки бар иваз ин ширкатҳо аз давлати Тоҷикистон имтиёзҳои бештарро талаб доранд.

Қодири Қосим илова намуд, ки феълан бо ин сармоядорҳо бо назардошти манфиатҳои миллӣ гуфтушунид идома дорад. Ӯ изҳор дошт, ки ширкатҳо аз Аврупо, Чин, Ҳиндустон, Малайзия ва Эрон буда, бештар ба нақлиёт, саноати куҳкорӣ ва дигар соҳаҳо майл доранд.

Ин дар ҳолест, ки маҷмӯи лоиҳаҳои сармоягузории Тоҷикистон то 1 январи соли 2014 аз 50 лоиҳа иборат буда, маблағи умумии он 9,96 миллиард сомониро ташкил медиҳад, ки аз он 3,99 млрд. сомонӣ грант аст. Қодири Қосим дар қатори манбаҳои асосии сармоягузории лоиҳаҳо дар Тоҷикистон, аз ҷумла Бонки рушди Осиё – $560,77 млн, ЭксИмБонки Чин – $559,61 млн, Бонки умумиҷаҳонӣ- $208,38 млн, Бонки исломии рушд - $120,95 млн, дигар созмонҳои байналмилалӣ - $504,46 млн ва ҳукумати Тоҷикистон - $133,3 млн-ро ном бурд.

Мӯҳр

Хабарҳои монанд:

Darvesh

Mondagii qarzhora ki medihad?????? KAY az kadom hisob, chand sol pas???????

Ҷавоб диҳед Иқтибос Шикоят

донишчу

Дарвеши шикаста чу ояд ба дарат
Чизе бидех аз бахри равони падарат....

Ҷавоб диҳед Иқтибос Шикоят

Яъкуб.

Хеч бовари кас намеояд,ки баъди казияи З.Саидову Орипов (ОРИМА) Занчони ягон кас дар Точикистон сармоягузори кунад.Сармоягузорони дохилиро ба зиндон мекашанду айбу шарм надошта аз хорич сармоягузор мечуянд.Кадом аблаху ахмак боз омада сармоягузори мекарда бошад.Ба фикрам хамон сармоягузорони худи хастанд ба мисли IRS .

Ҷавоб диҳед Иқтибос Шикоят

mehandust

shumo ba chi farq dorad ki ki mesozad. Muhimash on ki sozadu mardum sohibi joi kor shavand. Baxilivu tangnazarii tojiki az dastnaravad

Ҷавоб диҳед Иқтибос Шикоят

Эзоҳ илова кунед