07 фев 2014 14:20Тоҷикистон / Иҷтимоӣ

Ҷонишини Бег Зуҳуров: "Намедонем, ҳоло ӯ дар куҷост"

Рафиқҷон Шокиров, муовини раиси Хадамоти алоқаи Тоҷикистон, ин бор низ ба ҷои Бег Зуҳуров бо журналистон рӯ ба рӯ шуда, ба саволи онҳо посух гуфт.

Бег Зуҳуров, ки пештар аз ҷумлаи мансабдорони хабарсоз дониста мешуд, дар нишастҳои ахири хабарӣ пайдо намешавад ва бо хабарнигорон низ сӯҳбат анҷом намедиҳад. Муовини ӯ гуфт, “агар Зуҳуров дар Душанбе мешуд, ҳатман дар нишасти хабарӣ иштирок мекард. Мо намедонем, ӯ ҳоло дар куҷост, вале дақиқ аст, ки дар Душанбе нест. Қаблан барои ташкили ҳавзи шиноварӣ ба шаҳри Кӯлоб рафта буд. Ҳозир гуфта наметавонем, ӯ дар куҷо аст.” Ин дар ҳолест, ки пурсишҳое дар бораи сохтмони бинои 16-ошёна аз сӯи ӯ дар Кӯлобу тӯйи писараш бо духтари раисиҷумҳур ва дастураш барои истифода фақат аз интернети “Тоҷиктелеком” дар ниҳодҳои давлатӣ зиёданду худи ӯ бояд посух бигӯяд.

Бо ин ҳол, Рафиқҷон Шокиров дар нишасти хабарии 7 феврал ба чанд масъала, аз ҷумла гирифтани Интернет аз Қирғизистон дахл кард. Ӯ гуфт, дар сурате ки Бишкек барои гирифтани Интернет ба Тоҷикистон мушкил эҷод кунад, онҳо чанд роҳи берун омадан аз ин бӯҳронро доранд. Вай афзуд, “мо имкони гирифтани интернет тариқи Афғонистон ва Узбакистону Хитойро низ дорем, ки дар сурати эҷоди мушкил аз ин роҳ кор мегирем.”

Ҷаноби Шокиров дар ин сӯҳбати рӯбарӯяш бо хабарнигорон дастури Хадамоти алоқаи Тоҷикистон дар бораи истифода кардани ниҳодҳои давлатӣ танҳо аз интернети “Тоҷиктелеком”-ро тасдиқ кард ва гуфт, он бо ҳадафи милликунонии Интернет сурат мегирад. “Ин дастур ба вазорату идораҳои давлатӣ дар доираи қонун, тибқи қарори ҳукумат таҳти №550 дода шудааст ва ба дигар ширкатҳои интернетрасон монеа эҷод намекунад”,-афзуд ӯ.

Номбурда иброз дошт, ҳоло шумораи истифодабарандагони интернет дар Тоҷикистон беш аз 3 миллионро ташкил медиҳад ва аз ҳар сад сокини кишвар 47 тан аз интернет истифода мебаранд. Ба қавли масъулини Хадамоти алоқа, соли 2013 ҳаҷми хизматрасонии алоқа ба муштариён зиёда аз 1 миллиарду 749 миллион сомониро ташкил додааст. Муовини раиси Хадамоти алоқа инчунин хабар дод, ки сохтмони бинои 30-ошёна дар маҳалли собиқи бинои “Почтаи тоҷик” дар маркази Душанбе ҳам шуруъ шуда, корҳои он то панҷ соли дигар хотима хоҳад ёфт. Вай гуфт, маблағи сохтмони ин биноро Хадамот ва ширкатҳои мухобиротии кишвар пардохт мекунанд.

Дар акс:
1. Бег Зуҳуров, раиси Хадамоти алоқаи Тоҷикистон
2. Рафиқҷон Шокиров, муовини раиси Хадамоти алоқа

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

калук

ми работай, да да ни мишайте!

Ҷавоб диҳед Иқтибос Шикоят

Шам

калук,
Ми били зайнит, да да да да

Ҷавоб диҳед Иқтибос Шикоят

шахрванди-TJ

Ба фикрам чаноби Зухуров барои забони точики ва русиро омухтан ба кучое рафтааст.

Ҷавоб диҳед Иқтибос Шикоят

tojik

Ne akoi Beg rusiro behat, bisyo nagz medonad "eta, vot eta dabravoltsi" ))) u boyad Tojikiro kame yod girad, inash muhimtar ba fikram))

Ҷавоб диҳед Иқтибос Шикоят

у хаминчо

у хеч кучо нарафтааст просто бесаводанд ва акалан гап зада наметавонанд як ташон хукумов шарманда кард худашам ва аспиду номи чанд каси дигари чиновникхоро гирифту сири давлатию фасод дар хукуматро фош карду сари вазифаашро хурд. И дигариш аз тарс аз нишасти матбуоти гурехт инроо дингуз миегуянд

Ҷавоб диҳед Иқтибос Шикоят

Эзоҳ илова кунед