10 фев 2014 10:18Тоҷикистон / Рӯ ба рӯ

Соҳиби тарабхонаи Красноярск: "Гуфтанд, ки парчами Тоҷикистонро дар Сочӣ ман бардорам..."

Иштироки Владимир Владимиров, узви Шӯрои вакилон ва соҳиби тарабхонае дар Красноярск, ҳангоми муаррифии тими мунтахаби Тоҷикистон дар маросими ифтитоҳи Бозиҳои зимистонаи олимпии Сочӣ эътирози корбарони интернетии ин шаҳрро ба бор овардааст. Владимиров ҳангоми муаррифии тими Тоҷикистон, ки президент Эмомалӣ Раҳмон низ он ҷо буду даст меафшонд, ҳамроҳ бо Алишер Қудратов, лижарон ва Баҳрулло Раҷабалиев, дабири Кумитаи миллии олимпии кишвар ба саҳна баромада буд.

Соҳиби тарабхонаи Красноярск: "Гуфтанд, ки парчами Тоҷикистонро дар Сочӣ ман бардорам..."

Соҳиби тарабхонаи Красноярск: "Гуфтанд, ки парчами Тоҷикистонро дар Сочӣ ман бардорам..."

Владимир Владимиров дар суҳбат бо Оҷонси иттилоотии “1-LiNE” гуфтааст, ӯ бо даъвати ҷониби Тоҷикистон варзишгарони тоҷикро ҳангоми муаррифии ҳайатҳо дар маросими ифтитоҳи Бозиҳои 22-юми зимистонаи олимпӣ дар Сочӣ ҳамроҳӣ кардааст. “Онҳо дар аввал маро гуфтанд, ки парчамро бардорам, вале розӣ нашудам, гуфтам, танҳо дар қатори варзишагрон мебароям”,-афзудааст ӯ.

Василий Нелюбин, яке аз корбарони рус дар шарҳи ин хабар дар интернет навиштааст, ҳар вақт нафаре хоҳад, дар марш ё қадамзании варзишгарони бозиҳои олимпӣ шомил бошад, аз амали Владимиров кор мегирад. Аммо ин корбар аз он дар тааҷҷуб аст, ки чаро махсус ин вакили рус тими мунтахаби Тоҷикистонро ҳамроҳӣ кард: “Бисёр дар тааҷҷубам, дар ивази кадом хидматаш, тоҷикон ӯро дар бари худ роҳ додаанд.”

Дар ҳоле ки Владимир Владимиров дар баробари узви Шӯрои вакилони шаҳрӣ будан, раҳбари яке аз тарабхонаҳои маъруфи ин минтақа низ ҳаст, яке аз корбарони дигар бо номи Юрий Рафалский илова кардааст, ба зудӣ дар тамоми тарабхонаи шаҳри Красноярск ғизо ё худ ошхонаҳои тоҷикӣ ба миён хоҳанд омад.

Олимпиадаи зимистонаи Сочӣ, ки 7 феврал ифтитоҳ шуд, то 23 феврал идома хоҳад кард. Дар ин олимпиада танҳо лижарон Алишер Қудратов аз номи Тоҷикистон қувваозмоӣ мекунад. Қаблан гуфта мешуд, Андрей Дригин, яке дигар аз лижаронҳои тоҷик, дар ин олимпиада ширкат меварзад, вале рӯзҳои охир аз ӯ ном гирифта намешавад ва маълум нест, ҳузури ӯ лағв шуда ва ё вазъи саломатияш иҷоза намедиҳад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Искандар

Мархамат, замин бар ЧИНУ КИРГИЗИСТОН, .парчам бар РУС. Дигар аз ин ба баъд бар инхо чи гуем? Инхо заррае хисси ВАТАНДОРИ дар вучуди худ надоранд.

Ҷавоб диҳед Иқтибос Шикоят

Нишон

шармдоред миллатро бо ин рафторатон шарманда кардед вакилони беваколат кани ин масъаларо дар чаласаатон барраси кунед барои хамин президент ба сочи рафт ки точиконро шарманда кунад.шум о то ба кай сари миллатро фуру мекунед ягьон номус доред е хамаааш дар паси чорч вашингтон мондВой ба холи миллати бесарпааст вой вой

Ҷавоб диҳед Иқтибос Шикоят

Rahim

Ин кадар вохима накунед, ин урус дуруг мегуяд аз руи талаботи харакати олимпи агар шахс варзишгари роххатдор набошад, хукуки бардоштани байракро надорад!
Савод ки нест дигар касе чизе гуяд вай вай е ох рост мегуяд гуфта гайбатда мегузаред.
Акл ки нест ба гапи дигарон кор мекунед!
Ин урус бахона шуду дар гирди мо тема шуд, нагз ку. Вагарна хапу дам узбаку кыргыз барин меомадем!

Ҷавоб диҳед Иқтибос Шикоят

Tolib

Ин хам PR е худ рекламаи нагз шуд. Якумаш ними Россия фахмид ки мо дар олимпиада хастем, дуюмаш ин муносибати мо нисбати русхо аст, ки дар тамоми корхои варзишию чамьияти русхоро худ хамчун рамзи миннатдори хамрох мегирем.
Бародархои азиз аз миллион хам зиед точикхо дар Россия хастанд ва ин амали комилан дурусти кумитаи олимпии точикистон барои нарм ва гарм шудани муносибати русхо кумаки беандоза мекунад !
Касам мехурам ки ин таргиби хамкории точику рус ки дар кулли шабакахои руси пахн шудааст бисер саривакти аст! Бовар кунед агар пул дода реклама заказ куни ин кадар самар намедихад!
Дустон равшанию чихатхои мусбиро бинед на айбчуию ватаннешзани!
Точикистон ватани азизи хамаи мост!

Ҷавоб диҳед Иқтибос Шикоят

Саид

Tolib,
Ман ба фикри Шумо мувофикам. 100% рост. Кори баъзехо аз дилсиёхи намедонанд чи гап кунанд.

Ҷавоб диҳед Иқтибос Шикоят

Варзишгар

Дригине ки расман дар кувваозмоихои олимпиада иштирок намекунад боз як хамрохи дигар бо худ бурдааст (ба гуфти Рачабалиев) чаро Алишер Кудратовро як мураббии точик аз базаи лижаронии Сафедорак хамрохи намекардааст? Масъулони варзиш илтимос ба ин суол чавоб гуед.

Ҷавоб диҳед Иқтибос Шикоят

Оташ

З БАРОДАРОЙИ ХОМТАМЪ МАГАР ХОЛО ХАМ ХОБЕД ИНХО БИЛЕТХОРО БАРВАКТ ФУРУХТА БО НАРХИ ГАРОН ИН УРУСРО ПЕШ_ПЕШ КАРДАНД.ДАР ИН МАВЗУЪ ФИКРРОНДАН ХАМ БЕФОИДА МПЕБОШАД.

Ҷавоб диҳед Иқтибос Шикоят

Эзоҳ илова кунед