12 фев 2014 11:58Тоҷикистон / Иҷтимоӣ

Марзбонҳои рус 3 ҳазору 215 тоҷикро бозпас фиристодаанд

Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон мегӯяд, тибқи иттилои тозае, ки аз мақомоти Русия дарёфт намудааст, тайи солҳои охир зиёда аз 400 ҳазор шаҳрванди Тоҷикистон ба далели нақзи қонунҳои Русия аз 3 то 5 сол ҳаққи вуруд ба ин кишварро надоранд.

Ин ниҳод бо такя ба маълумоти Хадамоти федералии муҳоҷирати Русия мегӯяд, агар соли 2012 ҳамагӣ 351 ҳазору 940 нафар шаҳрвандони кишварамон ба ҳуқуқвайронкунии маъмурӣ роҳ дода бошанд, соли 2013 миқдори онҳо то 324 ҳазору 574 нафар камтар гардидааст: “Соли 2013 ҳамагӣ 968 нафар шаҳрванди кишварамон аз ҳудуди Русия берун карда шудааст, ки ин нисбат ба соли 2012 се баробар камтар мебошад.”

Мақомоти тоҷик аз қавли сарҳадбонони рус меафзоянд, бозпас фиристодани муҳоҷирони тоҷик аз сарҳади Русия зиёд шудааст: “Аз гузаргоҳҳои сарҳадии Русия дар соли 2012 - 1659 нафар ва дар соли 2013 3215 шаҳрванди Тоҷикистон бозпас гардонида шудааст.”

Хадамоти муҳоҷират бо зикри ин омор аз шаҳрвандони кишвар даъват намудааст, ки пеш аз сафар ба Русия аз қонунҳои ин кишвар огоҳ шаванду онҳоро риоя кунанд.

Мӯҳр

Хабарҳои монанд:

Гость

Мухочирони бечорара бо дар фрудгох як фирмаи дига пайдо шудай 12 сомонишона гирифта маълумоти соли 2013 ра меташон бади чипта гирифтан боз аз фрудгох мегардонаншон чи сабаб аст ки хадамоти мухочират ба пул пешниход намекунаду ин маълумотро ба гардани фирма андохтаст ое ин конунист е коркуни ин фирма бо хеши кист

Ҷавоб диҳед Иқтибос Шикоят

Мухочир

Дар сайти ФМС-и русия худатон метавонед бепул бифахмед, ки хакки ба ин давлат дохил шудан доред ё на.

Ҷавоб диҳед Иқтибос Шикоят

Эзоҳ илова кунед