Ҳукми зиндони ҳамроҳони Умедҷон Тоҷиев дар Исфара
Додгоҳи шаҳри Исфара Ғуфрон Шодиев ва Зуҳур Иброҳимов -- ду ҳамроҳи Умедҷон Тоҷиев, узви зиндонии ҲНИТ-ро, ки моҳи январи соли ҷорӣ дар бемористони боздоштгоҳи муваққати Хуҷанд даргузашт, ба зиндон маҳкум намудааст. Шодиев барои ҳаштуним сол ва Иброҳимов барои нӯҳ сол равонаи зиндон шудаанд.
Файзиннисо Воҳидова, вакили мудофеи Зуҳур Иброҳимов, гуфт, ин ҳукм аз сӯи додрас Комил Ғаниев рӯзи 17 феврал содир шудааст. Ба қавли ӯ, додгоҳ Зуҳур Иброҳимов ва Ғуфрон Шодиевро ба иттиҳоми шомил шудан ба иттиҳоди ҷиноӣ ва гурӯҳи ифротгаро ва узвият дар ҳизби сиёсие, ки фаъолияташ дар қаламрави Тоҷикистон мамнӯъст, айбдор донистааст. Вале ин вакили мудофеъ мегӯяд, “ҳукми додгоҳ ба ягон чаҳорчӯби қонун рост намеояд” ва онҳо барои бознигарии он талош хоҳанд кард.
“Дар мурофиаи додгоҳӣ нафарони таҳти ҳимояти мо бо тамоми ҷузъиёташ нақл карданд, ки чӣ хел нисбат ба онҳо шиканҷаро раво дидаанд. Худи ҳамин Комил Ғаниев, ки ҳукми додгоҳиро қироат кард, дар вақташ ғайриқонунӣ нисбат ба Умедҷон Тоҷиев 5 шабонарӯз ҳабси маъмурӣ дода буд”,-таъкид кард Воҳидова.
Вакили мудофеъ дар идома гуфт, додгоҳ парванда нисбат ба Умедҷон Тоҷиевро ба далели фавташ қатъ кардааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |