27 фев 2014 17:05Тоҷикистон / Сиёсат

Тарафдории 4 созмон аз Олга ва танқидашон аз қарори додгоҳ

Чаҳор созмони журналистии Тоҷикистон бо нашри баёнияе қарори Додгоҳи ноҳияи Фирдавсии шаҳри Душанбе нисбат ба Олга Тутубалина, муҳаррири “Азия-Плюс” ва муаллифи матлаби баҳсбарангези “Нозиёиёна дар бораи зиёиён”-ро яктарафа ва нигаронкунанда хондаанд. Онҳо дар баёнияи худ, ки баъд аз зӯҳри 27 феврал интишор шуд, гуфтаанд, ин қарор “принсипҳои объективият ва беғаразии мақоми судиро зери суол бурд.

Матни изҳороти созмонҳои журналистӣ:

“Қарори суди ноҳияи Фирдавсии шаҳри Душанбе аз 25 феврали соли ҷорӣ нисбат ба муаллифи матлаби нисбати муаллифи матлаби «Безиёиёна дар бораи зиёиён» («Неинтеллигентно об интеллигенции») -- Олга Тутубалина («Азия-Плюс», №40, аз 30.05.2013), бо даъвои панҷ иттиҳодияи илмию эҷодӣ бо ҳамроҳии 3 намояндаи зиёиёни кишвар - Аскаралӣ Раҷабов, Дилбар Абдиева ва Ҳикмат Раҳматов, ки муаллифи матлаби мазкурро ба пардохти 30 ҳазор сомонӣ ва чопи раддия дар нашрия вазифадор менамояд, мо, намояндагони ҷомеаи журналистиро нигарон месозад.

Мо бар онем, ки тавассути суди одилона баррасӣ ва ҳал намудани баҳсҳои миёни васоити ахбори омма ва ниҳодҳову шаҳрвандон дар ҳар кишвар аз арзишҳои воло ва тақозои низоми демократӣ аст, вале ҳамзамон тарзи бархӯрд ва муносибати судҳо, ба хусус судҳои марҳалаи аввал, ба ин масъала низ ҷавобгӯ ба муқаррароти қонунҳои миллӣ ва санадҳои байналмилалии эътирофнамудаи Ҷумҳурии Тоҷикистон бояд бошанд.

Бо таассуф қайд менамоем, ки мурофиаи судии қазияи муаллифи матлаби «Безиёиёна дар бораи зиёиён» ва иттиҳодияҳо ва намояндагони қишри зиёии кишвар бо халалдор шудани меъёру муқаррароти қонунҳои мурофиавӣ, яктарафа, бе назардошти ҳолатҳои воқеӣ ҷараён гирифта, қарори суди марҳалаи аввал принсипҳои объективият ва беғаразии мақоми судиро зери суол бурд.

Илова бар ин, Шӯрои ВАО-и Тоҷикистон матлаби мазкурро баррасӣ намуда, дар он халалдор шудани «Меъёрҳои ахлоқии касбии фаъолияти журналистӣ дар Точикистон»-ро дарнаёфта буд. Ҳолати мавҷудияти кафолати конститутсионии озодии баён дар Тоҷикистон ва эътироф шудани санадҳои байналмилалии танзимгари озодии сухан аз ҷониби давлати Тоҷикистон, таъин намудани чунин муҷозоти судӣ дар нисбати рӯзноманигоре, ки тавассути матбуот ақидаи хешро вобаста ба зуҳуроте дар ҷомеа баён доштааст, мояи нигаронӣ набуда наметавонад.

Боис ба таъкид аст, ки чунин муносибати мақомоти судӣ нисбат ба қазияҳои вобаста ба фаъолияти журналистон бори аввал набуда, тамоили анъанавӣ касб намуда истодааст. Қарори суди марҳалаи аввал дар нисбати рӯзноманигор Ольга Тутубалина - муаллифи матлаби «Безиёиёна дар бораи зиёиён», намунаи тозаи чунин муносибати ноодилонаи мақоми судӣ буда, як навъ фишороварӣ ба фаъолияти озоди журналист, таҳдиде ба озодии баён дар ҷомеаи демократияхоҳии мо мебошад.

Шӯрои ВАО-и Ҷумҳурии Тоҷикистон;
Ассотсиатсияи миллии воситаҳои ахбори мустақили Тоҷикистон (НАНСМИТ);
Медиа-Алянси Тоҷикистон;
Ташкилоти ҷамъиятии “Хома”

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Номи ин хели карорхоро Говсуд мегуянд дар урфият ки 90фоизи судхо хамитари мебоша.

Ҷавоб диҳед Иқтибос Шикоят

худи

Ман зиёёи.
Хуччатати зиёи буданатро нишон дех(Ё далел дори)?
Ана бо ин талаб бояд додгох карор мебаровард.
Коре ки додгох кард,- "Говсуд" мегуянд.

Ҷавоб диҳед Иқтибос Шикоят

Акбар Дутор

ИЖТ нестаст ку? Чаро? Ё Акбари Саттор аллакай гуштоб гирифтаст аз макомот?

Ҷавоб диҳед Иқтибос Шикоят

ba 4 sozmon

in 4 sozmon, masalaro khudashon yaktarafa nigoh dorand! az khob nav bedor shudand mi? agar mardum dar aozb 22 sol boshad hej gap nabudastu, yak odami bezabon bong zad, tarafashro megirang - in chi guna sozmoni boshad ki ba nafi mardum alosh nadorad?

maglubiyati 4 sozmonu tutabalina dar niyati noinsofonaashon ast, na hukumati belayoqatu odil!

Ҷавоб диҳед Иқтибос Шикоят

Умед

Барои чи Раиси Иттифоки Журналистон нест!

Ҷавоб диҳед Иқтибос Шикоят

Эзоҳ илова кунед