28 фев 2014 15:54Тоҷикистон / Фарҳангу адаб

Мусодираи беш аз ҳазор диски динии студияи “Нур” дар Душанбе

Кумитаи дин, танзими анъана ва ҷашну маросимҳои миллии Тоҷикистон аз мусодираи беш аз 1 ҳазору 300 фиттаи муҳтавои динидошта дар бозори “Корвон”-и шаҳри Душанбе хабар дод.

Ин ниҳод мегӯяд, дар пайи амалиёти вижаи кормандони Кумитаи дин ва Вазорати умури дохилӣ дар нуқтаҳои дискфурӯшии бозори мазкур 1342 фиттаи диние мусодира шудааст, ки аз сӯи студияи “Нур” омода ва бидуни ташхиси давлатии диншиносӣ ба фурӯш гузошта шудаанд.

Ба иттилои дафтари матбуотии Кумитаи дин, фиттаҳои динии мусодирашуда, бо забонҳои русӣ, тоҷикӣ, узбакӣ ва арабӣ будаанд. Кумитаи дин бар ин аст, ки ин бахши фаъолияти студияи “Нур” хилофи талаботи бандҳои 3 ва 4-и моддаи 22-и Қонуни Тоҷикистон «Дар бораи озодии виҷдон ва иттиҳодияҳои динӣ» мебошад. Манбаъ мегӯяд, дар робита ба ин қазияи парвандаи маъмурӣ боз карда шудааст.

Ин дар ҳолест, ки Ҷумъахон Ғиёсов, муовини раиси Кумитаи дин ахиран аз фаъолияти бархе нашриёт, матбаа, студияҳои сабти маводи видеоӣ, фурӯшандагони адабиёти динӣ бидуни гирифтани иҷоза нигаронӣ карда, гуфт, онҳо маводи диниеро ба фурӯш мегузоранд, ки аз ташхиси давлатии динӣ нагузаштаанд. Ғиёсов ин амали эшонро боиси сар задани ихтилофот дар ҷомеаи мазҳабии тоҷик хонда, аз масъулини матбааву студияҳо талаб кард, ки фаъолияти худро тибқи талаботи қонунгузории Тоҷикистон ба роҳ монанд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Алик

Шумо зуртон факат ба мулову дискхои онхо мерасад. Чаро филмхое,ки дорои хусусияти зуровари, фахшу- фучур ва ё таблигкунандаи терроризм аст, пешгири намекунед.

Ҷавоб диҳед Иқтибос Шикоят

шараф

то инора мусодира кардан,аму дискхои порнографияро мусодира кнанд

Ҷавоб диҳед Иқтибос Шикоят

донишчу

Рост бародар! Мегуй точикистон ватани мусалмонхо набошад? Ин чиру чи даьво факат зуршон ба мулло мерасад? Чаро мусодираи дискхои секс намешаваду факат амри маьруфу нахе аз мункар????

Ҷавоб диҳед Иқтибос Шикоят

Дискхои фахшоя мефурухтед хусусан индийская кумитаи дин мусодира намекард! Илтимос озодагон кумитаи зидди дин навис бо номаш.

Ҷавоб диҳед Иқтибос Шикоят

Sino

Хар он чизи фурушие, ки дар кишвар бар фоидаи мансабдорони мо нест он гайриконуни аст ва сохибонашон бояд дар назди конунхои сонияви чавоб гуянд ва е чарима карда шаванд!!!

Ҷавоб диҳед Иқтибос Шикоят

Эзоҳ илова кунед