06 мар 2014 15:24Тоҷикистон / Иҷтимоӣ
Садама бо иштироки вакили Зайд, иттиҳоми ВУД ва назари Қудратов
“Шӯҳрат Қудратов рӯзи 27 феврал ҳангоми идораи автомашинаи тамғаи “Мерседес-Бенс-180” дар кӯчаи Аҳмади Дониши пойтахт қоидаи ҳаракати роҳро дағалона вайрон намуда, ба автомашинаи “КИА”, ки ба Шукурова Н.М. ва “Опел”, ки ба Холматов Б. тааллуқ доранд, бархӯрдааст ва зарари молии соҳибмулконро ҷуброн накарда, онҳоро таҳқир намудааст. Ӯ бо баҳонаи гуногун аз ҷойи ҳодиса ғайб зада, автомашинаашро пинҳонӣ ба таъмир додааст”,-омадааст дар баёния.
Дар изҳороти масъулони Вазорати умури дохилӣ гуфта шудааст, аммо шоҳидони ҳодиса садамаро аксбардорӣ карда, барои чораҷӯӣ ба мақомоти пулис шикоят бурдаанд. “Айни замон таҳқиқи ҳодисаи мазкур дар Вазорати умури дохилӣ давом дорад”,-таъкид кардаанд масъулони ВКД.
Аммо Шӯҳрат Қудратов дар суҳбат бо "Озодагон" иттиҳомоти Вазорати корҳои дохилии Тоҷикистонро ғаразомез хонда, гуфт, воқеан ҳам рӯзи 27 феврал бо иштироки ӯ садамаи нақлиётӣ бо ду мошини дигар- “Опел” ва автомашинаи “КИА” рух додааст ва дар бархӯрд бо “Опел” худро гунаҳкор меҳисобад.
Қудратов афзуд, ҷуброни зарари расонидаашро ба “Опел” ба дӯш гирифта буд ва соҳиби ин автомашина низ ҳеч гуна даъво нисбаташ надошт: “Дар макони ҳодиса зиёда аз 20 дақиқа истодем. Касе аз онҳо ба БДА занг назаданд ва гуфтанд, ки даъво надоранд. Ин, ки вазорат гуфтааст, ман дағалона рафтор кардаам нодурст аст. Ягон хел рафтори дағалона он ҷо набуд”.
Дар ҳамин ҳамин ҳол дар баёнияи ВУД инчунин, иддаои Шӯҳрат Қудратов дар бораи пурсуҷӯи маъмурони пулис ва муносибати дағалонаи онҳо бидуни асос дониста шудааст. Масъулони ин ниҳод гуфтаанд, “санҷишҳо нишон дод, ки капитани милитсия Сафаров С.С. рӯзи 27 феврал мувофиқи нақша аз соати 18 то соати 21 ҳуҷраҳои биноҳои 29/1, 29/2, 29/3-и кӯчаи Фирдавсиро мавриди санҷиш қарор дода, дар вақти гузаронидани санҷиш бо ягон шаҳрванд муносибати дағалона зоҳир накардааст.” Қаблан Шуҳрат Қудартов дар суҳбат бо “Озодагон” гуфта буд, 27 феврал ду ҷавони мошинсавор фарзандони ӯро ҳангоми бозӣ дар назди манзилашон аксбардорӣ намуда ва маъмурони пулис соати 22:30 бо даъвои режими шиносномавӣ хостаанд, асноди ӯро тафтиш карда бидонанд, ки дар манзили ӯ чанд нафар зиндагӣ мекунад.
Вазорати умури дохилӣ дар робита ба ворид шудани паёмак (СМС)-и таҳдидомез ба телефони мобилии Шӯҳрат Қудратов мегӯяд, “тибқи маълумотномаи Tcell дар таърихи 25 феврал умуман ба рақамҳои телефони мобилии ӯ ягон паёмак ворид нагардидааст.” “Ҳолати аксбардорӣ намудани фарзандони Қудратов аз тарафи ду шахси мошинсавори кӯлоҳпӯш дар назди манзили истиқоматиашон ҳангоми бозӣ намудан низ аз тарафи истиқоматкунандагони бинои истиқоматии 29/3-и кӯчаи Фирдавсӣ тасдиқ нагардид. Ҳамзамон Шӯҳрат Қудратов вобаста ба ин ҳолат ба мақомоти дахлдор муроҷиат накардааст”,-гуфтаанд онҳо.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
