"Азия-Плюс" баҳс бо зиёиёнро идома медиҳад
Вакилони мудофеи нашрияи "Азия-Плюс" ва муҳаррири он - Олга Тутубалина аз болои қарори додгоҳи ноҳияи Фирдавсии пойтахт шикояти кассатсионӣ мебаранд.
Тавре аз "Азия-Плюс" иттилоъ доданд, Иноят Иноятов, яке аз вакилони мудофеашон шикояти кассатсиониро рӯзи 12 март ба коллегияи судӣ пешниҳод мекунад.
Додгоҳи ноҳияи Фирдавсии шаҳри Душанбе рӯзи 25 феврали соли ҷорӣ ба баҳси додгоҳии як гуруҳ аз зиёиёни тоҷик бо Олга Тутубалина, муаллифи матлаби баҳсбарангези “Неинтеллигентно об интеллигенции” ба манфиати аввалиҳо нуқта гузошт. Додрас Сурайё Ҷобирова ҳангоми қироати қарор гуфта буд, ин матлаби Тутубалина як навъ таҳқир дар ҳаққи зиёиён мебошад ва “Азия-Плюс” вазифадор аст, дар тӯли ду ҳафта раддия чоп намояд.
Тутубалина дар ин матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид карда, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |