Кӯмаки раиси Суғд ба хонаводаи ғӯрамаргони садамаи Айнӣ
Абдураҳмон Қодирӣ, раиси вилояти Суғд барои баёни ҳамдардӣ ба ҷабрдидагони садамаи фоҷеабор ба ноҳияи Айнӣ омада, ба наздикони фавтидагон изҳори тасаллият кардааст.
Тибқи иттилои дафтари матбуоти раиси вилояти Суғд Қодирӣ ба пайвандони ҳалокшудагон сабри ҷамил хоста, кӯмаки моддӣ ироа намудааст.
Тибқи иттилои расмӣ субҳи 17-уми март, соати 7:00 дар километри 158-уми роҳи Душанбе-Чоноқ мошини Муссои ҳомили 11 нафар, ки таҳти идораи Бурҳонов Мирзобурҳон, сокини 40-солаи ноҳияи Айнӣ қарор доштааст, ба чуқуқрии 120-метрӣ чаппа мешавад, ки дар натиҷа 7 нафар дар ҷои ҳодиса ба ҳалокат мерасанд.
Дар қатори фавтидагон ронанда ва мусофирони он- Шодиев Миршариф, соли таваллудаш 1975, омӯзгори мактаби миёнаи №1-и ноҳияи Айнӣ ва хонандагони синфи 11-уми ҳамин мактаб - Шоева Садбарг, Давронов Манзил, Бурҳонова Дилфуза, Акбаров Офтоб ва Нарзиева Моҳинисо ном бурда мешаванд. Манбаъ афзуд, ки дар натиҷаи ин садама 4 хонандаи дигари синфи 11-Сангинова Тамиза, Суробова Бибӣ, Мирзошоева Аҳлия ва Бобоева Идона ҷароҳатҳои ҷисмонӣ бардошта, дар беморхона бистарӣ гардидаанд. Вазъи 4 нафари маҷруҳ, ки дар беморхона бистарӣ шудаанд, феълан номуътадил арзёбӣ мегардад.
Ин нохушӣ дар ҳоле рух додааст, ки мактабхонҳо ба нияти супоридани ҳуҷҷатҳо барои дохилшавӣ ба макотиби олӣ ба намояндагии Маркази миллии тестӣ дар шаҳри Хуҷанд сафар кардаанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |