Вакилони парлумон ду пешниҳоди Нуралиевро қабул карданд
Вакилони парлумони Тоҷикистон имрӯз, 19-уми март ду созишномаи грантиро ба тасвиб расонданд, ки дар доираи он созмонҳои молиявии байналмилалӣ барои соҳаи обу энержии кишвар даҳҳо миллион доллари амрикоӣ ихтисос медиҳанд.
Тибқи иттилои дафтари матбуоти палатаи поёнии парлумони Тоҷикистон вакилон аз ҷумла созишномаи грантиро ба тасвиб расонданд, ки тибқи он Бонки осиёии рушд барои барқарорсозии нерӯгоҳи барқи обии Сарбанд бо иқтидори 240 МВт маблағ ҷудо мекунад.
Ҷамолиддин Нуралиев, муовини аввали вазири молияи Тоҷикистон зимни муаррифии ин созишнома дар парлумон маблағи умумии созишномаро 136 миллион доллари амрикоӣ гуфта, санаи татбиқи пурраи онро моҳи июли соли 2020 арзёбӣ намудааст.
Муовини аввали вазири молия инчунин созишномаи дигари грантиро муаррифӣ кардааст, ки дар доираи он Бонки аврупоии таҷдид ва рушд барои беҳтар намудани низоми обтаъминкунии шаҳрҳои марказии Тоҷикистон 11 миллион доллари амрикоӣ ҷудо мекунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |