Блаттер дар бораи дин, футболи занона ва бозии "Равшан"-у "Истиқлол"
Йозеф Блаттер, президенти Федератсияи ҷаҳонии футбол (ФИФА), ки бо сафари корӣ дар Душанбе қарор дорад, аз пешрафтҳо дар футболи тоҷик истиқбол намуда, таъкид дошт, ки бояд футбол миёни занон низ бештар густариш ёбад.
Блаттер рӯзи 26-уми март, ки бо рӯзи мавлудаш рост омадааст, дар суҳбат бо хабарнигорон дар Душанбе гуфт, орзу дорад, футбол бозии универсалӣ шавад. Ӯ илова намуд, ки футболи занона дар Тоҷикистон майли пешрафт дорад ва таъкид намуд, ки фарҳангу дин набояд барои густариши футбол миёни занон монеа шавад.
Йозеф Блаттер гуфт, агар футбол дар тамоми ҷаҳон на танҳо миёни мардон, балки занон низ бозии универсалӣ шавад, орзуи ӯ ҷомаи амал хоҳад пӯшид, чун ба гуфтаи ӯ футбол на танҳо бозист, балки зиндагист, эҳсосотест, ки мардуми гуногунро мепайвандад. Дар мавриди бардошташ аз бозии дастаҳои "Равшан"-и Кӯлобу "Истиқлол"-и Душанбе Блаттер гуфт, ки ин бозӣ ба ӯ хуш омад: "Бозигарони "Истиқлол" бо маҳорати хубу суръати баланд бозӣ карданд ва дар натиҷа бар ҳарифи худ ғолиб омаданд."
Дар доираи нишаст Блаттер ба Рустами Эмомалӣ, президенти Федератсияи футболи Тоҷикистон парчами ФИФА-ро тақдим намуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |