Баҳси масоили марзӣ дар суҳбати телефонии Расулзода бо Оторбоев
Қоҳир Расулзода, сарвазири Тоҷикистон бо ҳамтои нави қирғизаш - Ҷоомарт Оторбоев дар як тамоси телефонӣ бархе аз масоили ҳамкориҳои дуҷониба, аз ҷумла масъалаҳои марбут ба марзро баррасӣ кардааст.
Тавре Субҳиддин Муҳиддинов, як масъули хадамоти матбуотии раёсати ҷумҳури Тоҷикистон, ба “Озодагон” хабар дод, ин гуфтугӯ рӯзи 10 апрел бо хоҳиши ҷониби Бишкек сурат гирифтааст.
Ба иттилои манбаъ, дар ин суҳбат, сарвазири кишвар пеш аз ҳама, Оторбоевро бо таъин шудан ба мақоми сарвазирии Қирғизистон табрик намудааст: “Дар рафти гуфтугӯи телефонӣ масоили мубрами муносиботи дуҷонибаи Тоҷикистону Қирғизистон ва дурнамои рушди ҳамкориҳо баррасӣ шуданд. Инчунин, як қатор масоили вобаста бо марз низ ба баҳс гирифта шуданд.”
Сарвазири Қирғизистон дар идома аз Расулзода хостааст, баррасии пурраи масоили муносиботи дуҷониба кишварҳоро дар як суҳбати рӯбарӯ баррасӣ кунанд. Дафтари раёсати ҷумҳури кишвар мегӯяд, ҳоло замон ва макони ин мулоқотро ҳанӯз мушаххас накардаанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |