22 апр 2014 14:53Тоҷикистон / Иҷтимоӣ
Табибони "Ибни Сино": Шаҳбол ба ҷарроҳии фаврӣ ниёз дорад (ВИДЕО)
Масъулини бемористони Ибни Сино рӯзи 22 апрел бо нашри изҳороте гуфтанд, мутахассисони хориҷӣ ва дохилии онҳо дар пайи ташхиси худ, ки дар Қарияи Боло сурат гирифтааст, муайян кардаанд, Мирзоев ба ҷарроҳии бози ҷобаҷокунии муҳраи С-5, ноҳияи гардани сутунмуҳра, мустаҳкам кардани он бо лавҳа (КОGE) шадидан ниёз дорад.
ДАР ВИДЕО: НУЪМОН МИРЗОЕВ, ПАДАРИ ШАҲБОЛ:
Мутахссисони беморхонаи Ибни Сино вазъияти Шаҳбол Мирзоевро вахим арзёбӣ карда, гуфтаанд, ҳатто баъд аз ҷарроҳии аввалия низ ба по хестани ӯ имкон надорад. Онҳо мегӯянд, "ин ҷарроҳӣ бояд бо ҳадафи пешгирӣ аз аворизи мухталиф, ки ҷароҳати бардоштаи бемор дар ноҳияи гардан метавонад дошта бошад, анҷом дода шавад. Чунин тасаввур, ки бемор баъд аз ин ҷарроҳӣ дафъатан ба по мехезад ва ба зиндагии фаъол бармегардад, дуруст нест.”
Ба гуфтаи онҳо, раванди ба по хестан ва сиҳатшавии сарбози маъюби латту кӯбшудаи тоҷик, ки ҷароҳаташ вазнин ва дар ноҳияи ҳассос аст, метавонад то ду сол идома кунад.
Шаҳбол Мирзоеви 23 сола, ки фориғуттаҳсили Донишгоҳи ҳуқуқ ва тиҷорати шаҳри Хуҷанд мебошаду ҳамагӣ 7 моҳ қабл довталабона ба хидмати низомӣ рафтааст. Ӯ шоми 8 марти соли ҷорӣ аз сӯи ҳамхидматаш дар қисми ҳарбии марзбонии 2620 мавриди “латту кӯб”-и шадид қарор гирифта, сутунмуҳрааш мешиканаду ҳоло тақрибан 36 рӯз мешавад, дар беморхонаи Қарияи боло интизори ҷарроҳист. Мутахассисони эронӣ барои гузарондани ҷарроҳии Мирзоев иброзӣ омодагӣ карда, гуфтаанд, омода аанд, барои табобати сарбоз ба Душанбе оянд. Ба гуфтаи Нуъмон Мирзоев, мутахассисони беморхонаи Ибни Сино писари маъюбашро ташхис карда, арзиши ҷарроҳии якуми ӯро 56 ҳазору 467 сомонӣ муайян кардаанд.
Ин дар ҳолест, ки Масъулини Қушӯнҳои сарҳадии Тоҷикистон дар суҳбат бо “Азия-Плюс” далели пардохт нашудани ҳазинаи ҷарроҳии Шаҳбол Мирзоев, сарбози маъюби тоҷик, аз сӯи ин ниҳодро шарҳ дода, гуфта буданд, ӯ ниёз ба ҷарроҳӣ надорад. Нарзулло Расулов, муовини сардухтури беморхонаи марказии Сарраёсати қушӯнҳои сарҳадии Тоҷикистон, гуфта буд, “12 мутахассис Шаҳболро муоина карданду ба қавли эшон, ҷойи шикастаи сутунмуҳраи ӯ дубора пайваст шудааст. Дар ягон нуқтаи ҷаҳон ингуна беморро ҷарроҳӣ намекунанд. Дар рӯзҳои наздик мо бо мутахассисони эронӣ машварат карда, ба хулоса хоҳем омад.” Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
