Дахлнопазирии Жириновский лағв мешавад?
Елена Николаева, муовини аввали раҳбари кумитаи Думаи давлатӣ оид ба сиёсати манзилӣ ва ЖКХ аз комиссияи марбут ба этикаи вакилон хостааст, дахлнопазирии Владимир Жириновский, раиси Ҳизби либерал-демократи Русия (ЛДПР) лағв шавад. Дар ин бора "Известия" хабар додааст.
Ба иттилои манбаъ, далели ин пешниҳод баррасиҳои додгоҳӣ дар робита ба қазияи “таҳқири ду хонуми журналист” будааст. 18 апрел Владимир Жириновский дар посух ба суоли “оё мешавад, дар ҷавоб ба таҳримҳои Украина оид ба манъи вуруди русиягиҳо ҷавоб дод?”, хабарнигори ҳомилаи “Россия сегодня” ва ҳамкори ӯро таҳқир кард.
Елена Николаева гуфтааст, “чунин изҳоротҳо ва рафтори депутат Владимир Жириновский ба имиҷи мақомоти қонунгузории Русия латма мезанад. Рафтори ӯ на танҳо бояд аз тарафи ҷомеа ва ҳамкорон маҳкум гардад, балки ба он бояд дар додгоҳи Русия баҳои қонунӣ дода шавад”.
21 апрел Жириновский аз журналистон узр пурсид ва изҳор дошт, сари эҳсос ба онҳо носазо гуфтааст. Аммо бовуҷуд, хабарнигори “Россия сегодня”, ки баъди он ҳодиса дар беморхона бистарӣ шудааст, 22 апрел ба мақомоти ҳифзи ҳуқуқ шикоят бурда, хостори ифтитоҳи парвандаи ҷиноӣ нисбат ба раҳбари ЛДПР шуд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |